28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Թուրքիայում սպանված ռուս դեսպանի գործով նոր կալանավորված կա
Քաղաքականություն
27.07.2018 | 19:49
Թուրքիայում 2016թ. դեկտեմբեր 19-ին լուսանկարչական ցուցահանդեսի ժամանակ սպանված ռուս դեսպան Անդրեյ Կարլովի գործով հետաքննությունը շարունակվում է. փոխանցում է ermenihaber-ը:
Գործի շրջանակներում կա նոր կալանավորված։ Վերջինս ոմն Գ. Ուֆուքն է, ով նախկին ոստիկան է։ Ոստիկանությունը պարզել է, որ Ուֆուքը կապեր է ունեցել ռուս դեսպանին սպանած Մևլութ Մերթ Ալթընթաշի հետ։ Հայտնի է, որ Ուֆուքը, Ալթընթաշի հետ միասին ավարտել է միևնույն դպրոցը։ Նրանք մշտապես կապեր են ունեցել իրար հետ։
Կալանավորվածին առաջադրվել է «գյուլենական համայնքին անդամակցելու» մեղադրանք, որը Թուրքիայում համարվում է ահաբեկչական կազմակերպություն։ Սակայն մեղադրյալը մերժել է իրեն առաջադրված մեղադրանքները։
Հիշեցնենք, որ հարձակումն իրականացրած Մևլութ Մերթ Ալթընթաշը եղել է ոստիկանության աշխատակից: Նա մտել է թանգարան Կարլովի ելույթի ժամանակ, նախ օդ է կրակել, ապա թիկունքից կրակել ռուս դեսպանի վրա:
