15.09.2026 | 19:30
TRIPP-ի մեծ նախագիծը սպասում է ՍԴ-ի փոքրիկ «Այո»-ին. ՏԵՍԱՆՅՈՒԹ
Անդրանիկ Թևանյանը հրաժարվում է Երևանի ավագանու մանդատից
Քաղաքականություն
16.11.2023 | 15:38
«Մայր Հայաստան» դաշինքի առաջնորդ Անդրանիկ Թևանյանը հրաժարվում է Երևանի ավագանու մանդատից: Այս մասին նա այսօր հայտարարել է լրագրողների հետ զրույցում։
«Իմ նպատակը ավագանու անդամ դառնալը չէր, մենք մասնակցում էինք ընտրություններին իշխանափոխության օրակարգով։ Հայտարարել էի, որ Երևանի ավագանու մանդատ չեմ վերցնելու։ Ես հրաժարվում եմ մանդատից։ Մեր խմբակցությունը կղեկավարի Մանուկ Սուքիասյանը։ Մեր մյուս անդամներն իրենց ակտիվությամբ կարդարացնեն երևանցիների տված քվեն։ Այն քաղաքացիները, ովքեր նույնիսկ մեզ ձայն չեն տվել կամ չեն մասնակցել ընտրություններին, նույնպես, ավագանիում ի դեմս «Մայր Հայաստան» խմբակցության՝ կտեսնեն իրենց պաշտպաններին», – ասել է Թևանյանը:
«Մայր Հայաստան» դաշինքի ղեկավարը հավելել է, որ նոր քաղաքական մշակույթ են փորձում ներմուծել․ «Նախընտրական փուլում շտաբ չենք ունեցել, ինքներս ենք քայլող նախընտրական շտաբի ֆունկցիա կատարել: Նոր մշակույթն այն է, որ մենք որոշել ենք հետընտրական շտաբներ բացեն, քաղաքացիների հետ ուղիղ շփման հնարավորություն ստեղծել»:
