06.08.2026 | 14:27
Երեք պաշտոնյա վերանշանակվել է, ևս մեկը՝ նշանակվել փոխնախարար
Առաջիկա շաբաթները վճռական կլինեն Հայաստան-Ադրբեջան բանակցություններում․ ԱՄՆ պետքարտուղարի տեղակալ
Քաղաքականություն
16.11.2023 | 14:19
ԱՄՆ պետքարտուղարի Եվրոպայի ու Եվրասիայի հարցերով տեղակալ Ջեյմս Օ՛Բրայենը Կոնգրեսի արտաքին հարաբերությունների հանձնաժողովում նախօրեին Լեռնային Ղարաբաղի ապագայի վերաբերյալ լսումների ժամանակ հայտարարել է, որ առաջիկա շաբաթները վճռական են լինելու Հայաստան-Ադրբեջան բանակցություններում։
«Առաջիկա մի քանի շաբաթները վճռորոշ են լինելու լավ մտադրություններից համաձայնագրին անցնելու՝ կողմերի պատրաստակամությունը ստուգելու համար։ Մենք գիտենք՝ «այո» ասելն ամենաբարդն է բանակցություններում»,- ասել է ամերիկացի պաշտոնյան։
Նա նաև նշել է, որ ԱՄՆ-ը կողմերի հետ ակտիվ բանակցությունների մեջ է։ Օ՛Բրայենը նաև հայտարարել է, որ ԱՄՆ հստակ հասկացրել է Բաքվին, որ սեպտեմբերի 19-ից ԼՂ-ի նկատմամբ ռազմական ուժի կիրառումից հետո հարաբերությունները չեն կարող լինել նախկինի պես, և դրանք չեն կարգավորվի, քանի դեռ բանակցություններում Ադրբեջանի կողմից չկա առաջընթաց։
Էմմա Չոբանյան
