23.02.2026 | 11:44
Ամսական 42 միլիոն դրամ է մտնում Երևանի բյուջե՝ ավտոմատ ինքնասպասարկող սարքերից․ քաղաքապետ․ ՏԵՍԱՆՅՈՒԹ
Այրել էր մեքենան ու հեռացել դեպքի վայրից. Մասիսի ոստիկանների բացահայտումը
Հասարակություն
14.11.2023 | 14:15
Նոյեմբերի 12-ին ՆԳՆ ոստիկանության Արարատի մարզի օպերատիվ կառավարման կենտրոնից ոստիկանության Մասիսի բաժին հաղորդում է ստացվել, որ Մասիսի 3-րդ փողոցի տներից մեկի մոտ մեքենա է այրվում: Դեպքի վայր են մեկնել բաժնի քրեական հետախույզներն ու փրկարարներ: Պարզվել է, որ այրվում է մասիսցի 36-ամյա տղամարդու «Հոնդա Ակորդը»․ տեղեկացնում են ՆԳՆ ոստիկանությունից։
Նախաձեռնվել է քրեական վարույթ:
Ձեռնարկված օպերատիվ-հետախուզական միջոցառումների արդյունքում հանցագործությունը թարմ հետքերով բացահայտվեց: Պարզվեց, որ նոյեմբերի 12-ին, ժամը 18.50-ի սահմաններում, Մասիսի 32-ամյա մի բնակիչ, նախկինում ունեցած հարցերի համար վրեժխնդիր լինելու նպատակով, բենզինով փորձել էր այրել 36-ամյա համաքաղաքացու մեքենան:
Նոյեմբերի 13-ին բաժնի քրեական հետախույզները մեկնել են 32-ամյա տղամարդու բնակարան: Ոստիկաններին տեսնելով՝ նա ոչ ադեկվատ վարքագիծ է դրսևորել, ապա մտել է լոգարան և ածելիով վնասել դաստակները: Ոստիկանները տեղում առաջին օգնություն են ցույց տվել, այնուհետև ձերբակալել են նրան ու տեղափոխել բաժին:
Դեպքի հանգամանքները նախաքննությամբ պարզվում են:
