Հաստատվել է ՀՀ մշակույթի պահպանության, զարգացման և հանրահռչակման 2023-2027 թթ. ռազմավարությունը

Հասարակություն

13.11.2023 | 12:25

Լուրեր

31.03.2025 | 03:50

ԿԸՀ-ն ամփոփել է Գյումրիի 82 ընտրատեղամասերից 43-ի նախնական տվյալները

31.03.2025 | 02:05

2026-ին իշխանությունը փոխվելու ա, խի՞ եմ ես մանդատս վայր դնում. Վիլեն Գաբրիելյան. ՏԵՍԱՆՅՈՒԹ

31.03.2025 | 01:53

Ովքե՞ր են այս պահին ներկա ՔՊ-ի Գյումրիի շտաբում. ՏԵՍԱՆՅՈՒԹ

31.03.2025 | 01:43

Նախնական արդյունքներով՝ Փարաքարում հաղթում է «Միասնություն» դաշինքը

31.03.2025 | 01:35

Պետք ա հասկանանք իրավիճակը ՔՊ ական պատգամավորը` թիմակցի պահվածքի մասին. ՏԵՍԱՆՅՈՒԹ

31.03.2025 | 01:31

Շրջայց եմ անում. ոստիկանապետի տեղակալը` ՔՊ շտաբի դիմաց. ՏԵՍԱՆՅՈՒԹ

31.03.2025 | 01:27

Այս պահին ՔՊ-ն Գյումրիում միայնակ իշխանություն չի ձևավորում. Վահե Ղալումյան. ՏԵՍԱՆՅՈՒԹ

31.03.2025 | 01:24

Հանգստացեք հլը, ե՞ս եմ վիրավորել լրագրողներին. Վիլեն Գաբրիելյանը՝ ՔՊ շտաբի մոտ. ՏԵՍԱՆՅՈՒԹ

31.03.2025 | 01:11

Շիրակի մարզպետը հունից դուրս եկավ. լրագրողները պնդում են, որ նա քվեատուփի մոտ է եղել. ՏԵՍԱՆՅՈՒԹ

31.03.2025 | 01:00

Եկել եմ կուսակից ընկերներիս աջակցելու. Լոռու մարզպետը խուսափում է պատասխանել քվեների մասին հարցերին. ՏԵՍԱՆՅՈՒԹ

31.03.2025 | 00:52

Ինչ իրավիճակ է ՔՊ թեկնածու Սարիկ Մինասյանի նախընտրական շտաբում. ՈՒՂԻՂ

31.03.2025 | 00:13

Թրամփը «շատ զայրացած է» Պուտինի վրա և սպառնում է ՌԴ նավթի ոլորտին ուղղված նոր պատժամիջոցներով

30.03.2025 | 23:56

Սարիկ Մինասյանն առաջատարն է 31/69 ընտրատեղամասում

30.03.2025 | 23:51

Հայաստան է ժամանել Գերմանիայի նախագահ Ֆրանկ-Վալտեր Շտայնմայերը

30.03.2025 | 23:31

31/46 ընտրատեղամասում հաղթում է Վարդան Ղուկասյանը․ ՏԵՍԱՆՅՈՒԹ

Բոլորը

Կառավարությունը հաստատել է ՀՀ մշակույթի պահպանության, զարգացման և հանրահռչակման 2023-2027 թթ. ռազմավարությունը և դրա կատարումն ապահովող գործողությունների ծրագիրը․ տեղեկացնում են ՀՀ ԿԳՄՍՆ-ից։

Ռազմավարությամբ սահմանվում է Հայաստանի Հանրապետության կառավարության առաջնահերթություններից և ստանձնած միջազգային պարտավորություններից բխող ոլորտի զարգացման գերակայությունները և վերջիններիս հասնելու արդյունավետ ճանապարհը։

Ռազմավարության հիմքում ընկած է ազգային ինքնության և արժեքների հենքի վրա ստեղծված մշակույթի պահպանումը, զարգացումը, տարածումն ու հանրահռչակումը, ազգային և համամարդկային արժեքների հետ զուգորդումը և հաղորդակցումը: Առաջնային են համարվում համընդհանուր ներառականության ապահովումը, մշակույթի և արվեստի հասանելիությունը, ստեղծարարության, փորձարարական ու նորարարական ձևերի խրախուսումը: Կարևորվել է մշակույթի տնտեսականացումը, կառավարման ժամանակակից համակարգերի ներդրումն ու կարողությունների զարգացումը, մշակույթի մեկենասության ինստիտուտի ներդրումը, պետություն-մասնավոր համագործակցության փոխշահավետ մեխանիզմների խթանումը, ժողովրդավարական արժեքների գերակայության ամրապնդումը, աշխարհի մշակութային քարտեզում հայկական մշակույթի դիրքավորումը։

Ըստ այդմ՝ սահմանվում են մշակույթի ոլորտների զարգացման տեսլականը, նպատակները և ակնկալվող արդյունքները՝ ժամանակացույցի համաձայն։ Մասնավորապես, նախատեսվում է ավելացնել ամրակայված, նորոգված և վերականգնված վտանգված պատմության և մշակույթի հուշարձանների թիվը, համալրել ՀՀ թանգարանային առարկաների շտեմարանը: Նախատեսվում է ներդնել թանգարանների և գրադարանների կառավարման նոր ձևաչափ, խթանել ստեղծարար ոլորտները, ապահովել բարենպաստ միջավայր և մրցակցային դաշտ ստեղծագործական ինքնարտահայտման համար, ինչպես նաև նպաստել միջազգային մշակութային գործընթացներին երիտասարդ ստեղծագործողների ինտեգրմանը, մշակույթի և ստեղծարար ոլորտներում ձևավորել պետական խրախուսման մեխանիզմներ և այլն:

Ռազմավարության կարևորագույն ուղերձներն են՝

Մշակույթն ազգային ինքնության կայացման և համընդհանուր արժեքային հենքով միջազգային համակեցության պայման է,
Մշակույթն ազգային անվտանգության ապահովման գրավականն է,
Մշակույթը հայապահպանության երաշխավորն է Սփյուռքում,
Մշակույթն արժեքահեն քաղաքացու կրթության և դաստիարակության գրավականն է, մարդկային կապիտալի զարգացման կարևորագույն պայմանը,
Մշակույթն ազատ քաղաքացու ձևավորման պայման է,
Մշակույթն անձի ստեղծագործական ազատության, ոգեղենության արտահայտման և ինքնադրսևորման միջոց է,
Մշակույթը հանրային համերաշխության և բարեկեցիկ հասարակության ձևավորման երաշխիք է,
Մշակույթը միջազգային համագործակցության ընդլայնման գործոն է:
Ռազմավարությունը կառուցված է մշակութային ժառանգության և ժամանակակից արվեստի բնագավառների համընդգրկուն վերլուծություններին ուղղված գործիքակազմի և մշակույթի՝ որպես կայուն զարգացման ռեսուրսի դիտարկման և օգտագործման համար անհրաժեշտ միջոցառումների առաջարկների հենքի վրա: Ռազմավարությունն ամրագրում է ոլորտի զարգացման տեսլականն ու նպատակները, ինչպես նաև նախանշում է բարեփոխումներից ակնկալվող արդյունքները և ազդեցությունն անհատի և հասարակության վրա։

Ռազմավարության մշակման գործընթացը եղել է առավելագույնս մասնակցային՝ ընդգրկելով մասնագիտական հանրության և միջազգային կազմակերպությունների առաջարկները։ Միաժամանակ, փաստաթղթով ամրագրվում է դրա վերանայման ճկուն համակարգը, ինչը հնարավորություն է ընձեռելու արձագանքել հարափոփոխ մարտահրավերներին և ունենալ բավարար ճկունություն ճգնաժամային իրավիճակներում։ Առանցքային խնդիր է դիտարկվում հանրային լայն հաղորդակցումը՝ միտված մասնակցության ու հաշվետվողականության սկզբունքների պահպանմանը։