24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
Վիլնյուսում Պարույր Հովհաննիսյանն անդրադարձել է Հայաստանում ընթացող ժողովրդավարացման գործընթացի սպառնալիքներին և մարտահրավերներին
Քաղաքականություն
10.11.2023 | 11:39
Նոյեմբերի 9-ին ՀՀ ԱԳ նախարարի տեղակալ Պարույր Հովհաննիսյանը Վիլնյուսում մասնակցել է «Ժողովրդավարության ապագան» խորագրով բարձր մակարդակի խորհրդաժողովին․ տեղեկացնում են ՀՀ ԱԳՆ-ից։
Իր ելույթում Պարույր Հովհաննիսյանն ընդգծել է Հայաստանի անվերապահ հանձնառությունը ժողովրդավարությանը, մարդու իրավունքների պաշտպանությանն ու օրենքի գերակայությանը, ինչպես նաև անդրադարձ է կատարել Հայաստանում ընթացող ժողովրդավարացման գործընթացի սպառնալիքներին և մարտահրավերներին:
Նախարարի տեղակալը անդրադարձել է նաև տարածաշրջանում խաղաղության հաստատմանն ուղղված Հայաստանի ջանքերին՝ ներկայացնելով Ադրբեջանի կողմից էթնիկ զտման քաղաքականության հետևանքով Լեռնային Ղարաբաղի բնակչության բռնի տեղահանության հետևանքով ստեղծված իրավիճակը։
Ծանոթագրություն
«Ժողովրդավարության ապագան. պաշտպանություն ավտորիտարիզմից» խորագրով բարձր մակարդակի երկօրյա ամենամյա խորհրդաժողովը Լիտվայում կազմակերպվում է արդեն երրորդ անգամ։ Ֆորումի հիմնական նպատակն է ժողովորդավարության ամրապնդմանը և ավտորիտարիզմին հակազդման ուղղված մտքերի փոխանակումը՝ ի շարունակություն 2023թ. մարտին ԱՄՆ կողմից կազմակերպված Ժողովրդավարության երկրորդ գագաթնաժողովի։
