26.06.2026 | 04:58
ԱԱ-2026. Նիդերլանդներն ու Ճապոնիան դուրս եկան փլեյ-օֆֆ. ՏԵՍԱՆՅՈՒԹ
Զախարովան անդրադարձել է հայկական «Խաղաղության խաչմերուկ» նախագծին
Քաղաքականություն
09.11.2023 | 15:38
ՌԴ ԱԳՆ պաշտոնական ներկայացուցիչ Մարիա Զախարովան այսօրվա ճեպազրույցում անդրադարձել է Հայաստանի կողմից ներկայացված «Խաղաղության խաչմերուկ» նախագծին ու այն կառուցողական անվանել։
«Երևանի նախաձեռությունը համահունչ է նախագծերին, որոնք քննարկվում են վերջին տարիներին եռակողմ աշխատանքային խմբի շրջանակներում՝ Ռուսաստանի Դաշնության, Հայաստանի և Ադրբեջանի փոխվարչապետների համատեղ նախագահությամբ։ Աշխատանքային խումբը զբաղվում է տարածաշրջանում տնտեսական և տրանսպորտային կապերի ապաշրջափակմամբ։ Ռուսաստանը կարծում է, որ այս գործընթացը կենսական դեր է խաղում Երևանի և Բաքվի միջև հարաբերությունների կարգավորման գործում՝ նպաստելով ողջ Հարավային Կովկասի տարանցիկ և լոգիստիկ ներուժի կայունացմանը և բացմանը»,-ասել է Զախարովան։
«Այս խմբի 12 հանդիպում արդեն կայացել է, հսկայական աշխատանք է կատարվել, այդ թվում՝ գնահատելով տարածաշրջանային լոգիստիկ ենթակառուցվածքի ներկա վիճակը, ընտրելով երկաթուղային և ճանապարհային հաղորդակցության օպտիմալ նախագծեր, մենք շատ մոտ ենք հասնելու փաթեթային լուծման, որը ձեռնտու է բոլոր կողմերին»,- ասել է ՌԴ ԱԳՆ ներկայացուցիչը։
Զախարովան նշել է, որ այս հարցերին դեռ չի հաջողվել վերջակետ դնել։ Նրա խոսքով՝ «որոշ մարդականց մոտ պարզապես բացակայում է դա անելու քաղաքական կամքը, և դա Ռուսաստանը չէ»:
