15.09.2026 | 21:59
Սպիտակ էջեր չկան․ պատասխան Հաջիևի հեգնանքին՝ Մատենադարանի բնօրինակով. ՏԵՍԱՆՅՈՒԹ
ՄՊՀ-ն դարձել է Սպառողների իրավունքների պաշտպանության և օրենքի կիրարկման միջազգային ցանցի (ICPEN) գործընկեր
09.11.2023 | 15:05
Մրցակցության պաշտպանության հանձնաժողովը դարձել է Սպառողների իրավունքների պաշտպանության և օրենքի կիրարկման միջազգային ցանցի (ICPEN) գործընկեր․ տեղեկացնում են Մրցակցության պաշտպանության հանձնաժողով
ից։
ICPEN-ը միջազգային հարթակ է, որը միավորում է սպառողների շահերի պաշտպանության ոլորտի իրավասու կազմակերպությունների աշխարհի 70 երկրներից, ինչպիսիք են ԱՄՆ-ը, Գերմանիան, Ֆրանսիան, Միացյալ Թագավորությունը, ինչպես նաև միջազգային կազմակերպությունների՝ ՄԱԿ-ի Առևտրի և զարգացման համաժողով (UNCTAD), Տնտեսական համագործակցության և զարգացման կազմակերպություն (OECD), Եվրոպական հանձնաժողով և այլն:
Համաշխարհային նման հարթակին մասնակցությունը բացառիկ նշանակություն կունենա ՀՀ-ում սպառողների շահերի պաշտպանության տեսանկյունից՝ ոլորտի միջազգային լավագույն փորձի փոխանակման և անդամ երկրների հետ արդյունավետ փոխգործակցության զարգացման հնարավորություններ ստեղծելով:
Գործընկերոջ կարգավիճակ ստանալու համար հավակնորդ մարմինը պետք է ստանա կազմակերպության նվազագույնը 5 անդամների աջակցությունը, միաժամանակ որևէ անդամի կողմից առարկություն չպետք է ներկայացվի:
ՄՊՀ-ն աջակցություն է ստացել թվով ութ անդամներից և ձեռք բերել գործընկերոջ կարգավիճակ՝ հնարավորություն ստանալով երկու տարի անց անդամակցել կազմակերպությանը: Այդ երկրներն են ԱՄՆ-ը, Զամբիան, Իտալիան, Լեհաստանը, Լիտվան, Կորեան, Հունգարիան, Սինգապուրը:
Շնորհակալություն ենք հայտնում մեզ առաջադրած բոլոր երկրներին և ICPEN-ի նախագահող Լեհաստանին ցուցաբերած աջակցության համար՝ ակնկալելով արդյունավետ համագործակցություն:
