21.02.2026 | 14:32
Մանասյանը Գյումրու թիվ 1 ավագ դպրոցի աշակերտների հետ քննարկել է ՄԻՊ-ի դերն ու գործունեության ուղղությունները
Պատրուշևը հայտարարել է, թե «Արևմուտքը խանգարում է Հայաստանի ու Ադրբեջանի հարաբերությունների կարգավորմանը»
Քաղաքականություն
08.11.2023 | 11:29
Ադրբեջանի և Հայաստանի միջև կարգավորումը հնարավոր է միայն այն դեպքում, երբ արտատարածաշրջանային ուժերը դադարեն միջամտել, իսկ Արևմուտքի քայլերն առայժմ միայն սրում են իրավիճակը։ Այս մասին հայտարարել է ՌԴ Անվտանգության խորհրդի քարտուղար Նիկոլայ Պատրուշևը Մոսկվայում ԱՊՀ գործընկերների հետ հանդիպման ժամանակ, գրում է ՏԱՍՍ-ը։
«Մենք շահագրգռված ենք նաև Հարավկովկասյան տարածաշրջանում իրավիճակի կայունացմամբ, դրա զարգացման համար պայմաններ ստեղծելու և փոխադարձ վստահության ու համագործակցության ամրապնդմամբ»,-ասել է Պարուշևը։
Ըստ նրա՝ դրա համար էլ Ռուսաստանը հետևողական քայլեր է ձեռնարկում հայ-ադրբեջանական հարաբերությունների համալիր կարգավորման համար՝ ի շահ այդ երկրների միջև խաղաղության պայմանագրի կնքման, սահմանների սահմանազատման և տրանսպորտային հաղորդակցությունների բացման։
«Պրակտիկան ցույց է տալիս, որ դա հնարավոր է միայն արտատարածաշրջանային ուժերի կողմից միջամտության բացակայության դեպքում: Արևմտյան երկրների գործողությունները հրահրում են իրավիճակի դեգրադացիա տարածաշրջանում և նպաստում հակասությունների պահպանմանը»,- ասել է Պատրուշևը։
Հիշեցնենք, ԱՊՀ ԱԽ քարտուղարների հանդիպմանը Հայաստանի Անվտանգության խորհրդի քարտուղար Արմեն Գրիգորյանը չի մասնակցում։ ՀՀ-ն ներկայացված է ՌԴ-ում արտակարգ և լիազոր դեսպան Վաղարշակ Հարությունյանի մակարդակով։
