Քաղաքականություն
07.11.2023 | 20:53
Թուրքիայի գիտատեխնիկական հետազոտությունների խորհուրդը (TÜBİKAT) թուրքական պետական լրատվական «Anadolu» գործակալության թղթակցին տեղեկություններ է փոխանցել Թուրքիայի առաջիկա 10 տարվա ծրագրերի և նպատակների մասին:
Ermenihaber-ը տեղեկացնում է, որ այդ 10 ծրագրերից առաջնայինը Lուսնի հետազոտության ծրագիրն է, որը Թուրքիային թույլ կտա դառնալ Lուսնի վրա ներկայություն ունեցող սակավաթիվ պետություններից մեկը:
Ինչպես բոլոր մնացած ծրագրերը, հիշյալ ծրագիրը ևս կիրականացվի Թուրքիայի տիեզերագնացության գործակալության, արդյունաբերության և տեխնոլոգիաների նախարարության, ինչպես նաև երկրում գործող մի շարք ընկերությունների ներգրավմամբ կյանքի կոչված «Ազգային տիեզերական ծրագրի» շրջանակներում:
Լուսնի հետազոտման նպատակով մեկնարկելիք ծրագրի շրջանակներում, որը կոչվում է «AYAP», նախատեսվում է նախ ուղեծրից իրականացնել Lուսնի հետախուզում, ապա նոր կատարել առաջին վայրէջքը Lուսնի վրա:
Թուրքիայի առաջին տիեզերանավի պատրաստման աշխատանքների ավարտը պլնավորվում է 2026-ին: Նույն տարվա ընթացքում կիրականացվի նաև թռիչքը դեպի Lուսին:
