07.10.2026 | 17:57
Պեկին. Ալինա Չարաևան ավարտեց ելույթները. ՏԵՍԱՆՅՈՒԹ
Նախիջևանում հրամանատարաշտաբային զորավարժություններ են անցկացվել՝ հատուկ ջոկատայինների և ԱԹՍ-ների մասնակցությամբ
Քաղաքականություն
01.11.2023 | 17:32
Նախիջևանի առանձին համազորային բանակում հրամանատարաշտաբային զորավարժություններ են անցկացվել՝ շտաբների և անձնակազմի մարտական հմտությունները բարելավելու նպատակով, հայտնում է Ադրբեջանի ՊՆ-ն։
Հաղորդվում է, որ զորավարժությունների սցենարի համաձայն՝ կազմավորումներն ու ստորաբաժանումները սկսել են շարժվել մարտական գործողությունների շրջաններ։ Այնուհետև մարտավարական միջոցառումների գործնական իրականացման փուլում հրետանային ստորաբաժանումները կրակ են բացել առաջնագծում և խորքում գտնվող պայմանական հակառակորդի դիրքերի ուղղությամբ։ Հատուկ ջոկատայիններին հրահանգ է տրվել գրավել դիրքերը և ոչնչացնել հակառակորդի անձնակազմը։ Հատուկ ջոկատայինները գրոհել են դիրքերը՝ օգտագործելով անօդաչու թռչող սարքեր։
Եզրափակիչ փուլում կայացված որոշումների և կազմված հաշվետվությունների իրականությունը ստուգվել է սիմուլյացիոն կենտրոնում գտնվող համակարգիչների միջոցով, ասվում է ադրբեջանական ՊՆ-ի հաղորդագրությունում։
Էմմա Չոբանյան
