15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
«Էրդողանը կոտորում է քրդերին ու սիրիացիներին». Նեթանյահու
Քաղաքականություն
25.07.2018 | 14:38
Իսրայելի վարչապետ Բենիամին Նեթանյահուն արձագանքել է Թուրքիայի նախագահ Ռեջեփ Թայիփ Էրդողանի կոշտ հայտարարություններին. տեղեկացնում է ermenihaber-ը:
Դրանցում Էրդողանը քննադատել էր Իսրայելին «հրեական ազգային պետության» մասին օրենքն ընդունելու համար, ինչպես նաև Իսրայելին անվանել էր ահաբեկչական պետություն։
Նեթանյահուն իր Twitter-ի էջում Էրդողանի և Թուրքիայի վերաբերյալ 2 առանձին գրառում է կատարել:
Դրանցից առաջինում նա գրել է. «Մինչ Էրդողանի ղեկավարությամբ Թուրքիան խավար բռնապետության է վերածվում, Իսրայելը ինչպես այս օրենքից առաջ, այնպես էլ հետո պաhպանում է իր քաղաքացիների հավասար իրավունքները»։
Մյուս գրառման մեջ Նեթանյահուն Էրդողանին մեղադրել է քրդերի դեմ բռնություն կիրառելու մեջ:
«Էրդողանը կոտորում է քրդերին ու սիրիացիներին և բանտ նետում իր երկրի հազարավոր քաղաքացիներին։ Փաստը, որ հրեական պետության մասին օրենքը քննադատում է մեծ «դեմոկրատ» Էրդողանը, մեզ համար հաճոյախոսություն է»,-գրել է Իսրայելի վարչապետը։
