10.11.2026 | 11:05
Հարվի Սարաջյան. «Անհավանական զգացողություն էր, երբ Յուրա Մովսիսյանը եկավ ինձ հետ հանդիպման»
Զենքերը դժվարությամբ ենք հանձնել. ՊԲ նախկին զինծառայող․ ՏԵՍԱՆՅՈՒԹ
Քաղաքականություն
28.09.2023 | 20:27
Արցախցիների բռնի տեղահանումը շարունակվում է։
20:00-ի դրությամբ բռնի տեղահանվածների թիվը կազմում է 76 407 անձ:
Կոռնիձորի հումանիտար կայանում Factor TV-ին զրուցել է տեղահանված քաղաքացիների հետ։
«Սեպտեմբերի 13-ին դուրս ենք եկել Բերդաձորից, ես պայմանագրային զինծառայող եմ եղել։ Իմ ընտանիքին մեր համայնքի ղեկավարը տեղափոխել է ռուս խաղաղապահների մոտ։ Որ արդեն դուրս գալու ժամանակը եկավ, այսինքն՝ մեր համայնքի ղեկավարն ասաց՝ տված ա արդեն, մենք առանց որևէ բան վերցնելու, մի փոխնորդ շոր ենք վերցրել, ու դուր ենք եկել։
Մինչ այդ գյուղի ընտանիքները ապաստարաններում են եղել։
Մեզ կանչել են, ասել են՝ բոլոր զենքերը պիտի հանձնենք ռուսական խաղաղապահներին։ Մենք մեր զենքերը հանձնել ենք նրանց․․․ Ամեն ինչ թողել ենք, եկել ենք։
Զինվորները շատ դժվար, լացելով են զենքերը հանձնել, բայց ճար չունեինք։ Մենք համաձայն էինք, որ գնանք մեր դիրքերը, մեր գյուղը պաշտպանենք, մեր Ղարաբաղը պաշտպանենք, բայց հիմա չկա դա։ Սաղս ցավի մեջ ապրում ենք»,- նշեց զինաթափված զինծառայողը։
Մանրամասները՝ տեսանյութում։
