30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Կոռնիձորի անցակետը հատել է 19 հազար մարդ․ մարդկանց մեծամասնությունն ասում են՝ ունեն բնակության վայր․ ՏԵՍԱՆՅՈՒԹ
Հասարակություն
26.09.2023 | 16:48
ՀՀ կառավարության «Հումանիտար կենտրոն»-ի աշխատանքները համակարգող,փոխվարչապետ Տիգրան Խաչատրյանը և վարչապետի մամուլի քարտուղար Նազելի Բաղդասարյանը ներկայացնում են Լեռնային Ղարաբաղից բռնի տեղահանվածներին ցուցաբերվող աջակցության աշխատանքների ընթացքը:
«Այս օրերի ընթացքում 2500-ը գերազանցող մարդկանց ենք կեցավայրով ապահովել։ Այդ մարդկանց մեծամասնությունն ասում են՝ ունեն բնակության վայր։ Մոտ 1000-ը բնակեցված են Սյունիքի տարբեր հյուրատներում և հյուրանոցներում, 500-ը՝ Վայքում, մոտ 500-ը՝ Գեղարքունիքում», – ասաց Խաչատրյանը։
Նա նշեց, թե շարունակվում է Տավուշի տարբեր հյուրատներում տեղահանված արցախցիների տեղակայումը։
«Շարունակելու ենք այդպես շարժվել առաջ։ Սա միակ օգնությունը չէ, որ իրականացրել ենք և միակը չէ, ինչ պետք է կազմակերպվի առաջիկայում։ Սննդով, առաջին անհրաժեշտության պարագաներով ապահովումը և տեղակայման վայր հասնելու հետ կապված տրանսպորտային ծառայությունների արագ կազմակերպումը մեր հիմնական նպատակն է եղել։ Հնարավոր է, որ որոշ դեպքերում թերացել ենք, ինչի համար ես խնդրում եմ այն մարդկանց ներողամտությունը, ովքեր առնչվել են որոշակի դժվարությունների»,-ասաց փոխվարչապետը։
Խաչատրյանը տեղեկացրեց նաև, որ կառավարությունը ԼՂ–ից բռնի տեղահանվածների հետ իր աշխատանքը չի ավարտի միայն մարդկանց կացարան տրամադրելով։ Հետագայում սոցիալական ծրագրեր կիրականացվեն։
Մանրամասները՝ տեսանյութում։
