08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Մի կերպ ենք դուրս եկել, ադրբեջանցիներն արդեն գյուղ էին հասել. Արցախից տեղահանված․ ՏԵՍԱՆՅՈՒԹ
25.09.2023 | 19:41
Ադրբեջանի սանձազերծած հերթական ագրեսիայից ու հրադադարից 5 օր անց՝ երեկվանից Բաքուն թույլատրել է տեղահանված արցախցիներին հատել Հակարիի կամրջին տեղադրված անցակետը և մուտք գործել Հայաստան։
Մի քանի հազար բնակիչներ, հիմնականում՝ կանայք, երեխաներ և ծերեր, ընդունվել են ՀՀ կառավարության կողմից ստեղծված հումանիտար կայանում, որը գտնվում է Կոռնիձորում։ Կոռնիձորում իրականացնում է Լեռնային Ղարաբաղից տեղահանված անձանց նույնականացում և հաշվառում, ինչպես նաև կարիքների նախնական գնահատում։
Սեպտեմբերի 25-ին ժամը 17:00 դրությամբ ԼՂ-ից Հայաստան մուտք է գործել բռնի տեղահանված 6650 անձ։ Նրանցից 5580-ի վերաբերյալ հաշվառման տվյալներն ամփոփված են, իսկ 1070-ի կարիքների գնահատումը նույնականացման փուլում է:
Արցախից ՀՀ բռնի տեղահանված քաղաքացիները, որոնք ունեն կացարանի կարիք, տեղավորվում են հիմնականում Սյունիքում, Գորիսում, Վայոց ձորում։
Մանրամասները՝ տեսանյութում։
