01.05.2026 | 09:36
Աշխատում է քաղաքացին՝ զարգանում է տնտեսությունը՝ ապահովելով պետության առաջընթացը․ Ալեն Սիմոնյան
Ուկրաինայի ԳՇ-ն հայտնել է Բախմուտի մերձակայքում գտնվող Անդրեևկա բնակավայրի գրավման մասին
Քաղաքականություն
15.09.2023 | 11:33
Ուկրաինայի գլխավոր շտաբը ուրբաթ առավոտյան իր զեկույցում հաստատել է Բախմուտի մերձակայքում գտնվող Անդրեևկա գյուղի գրավումը, գրում է BBC-ի ռուսական ծառայությունը։
«Հարձակողական գործողությունների ընթացքում պաշտպանական ուժերը մասնակի հաջողություններ են գրանցել Կլեշչևկայի շրջանում։ Հարձակման ժամանակ Անդրեևկան գրավվել է»,- ասվում է հաղորդագրության մեջ։
Կլեշչեևկան և Անդրեևկան, ավելի ճիշտ՝ այժմ արդեն դրանց ավերակները, գտնվում են Բախմուտի ավերակներից մի քանի կիլոմետր հարավ։
Ամառվա սկզբից Ուկրաինայի զինված ուժերը փորձում են շրջապատել Բախմուտը և գրավել Կլեշչևկայի տարածքում գերիշխող դիրք ունեցող բարձունքները։ Անդրեևկան գտնվում է ավելի հարավ և Բախմուտից ավելի հեռու:
Հինգշաբթի օրը Ուկրաինայի պաշտպանության փոխնախարար Աննա Մալյարը հայտարարել էր Անդրեևկայի գրավման մասին, սակայն հետո այդ տարածքում կռվող ստորաբաժանումների ներկայացուցիչներն այս հայտարարությունը վաղաժամ որակեցին։ Մալյարն ի պատասխան նշել էր, որ առանց զինվորականների հետ համաձայնեցնելու ոչինչ չի հայտարարում ճակատում տիրող իրավիճակի մասին։
