15.09.2026 | 21:24
Հրապարակվել են հոկտեմբերի 25-ին կայանալիք ՏԻՄ ընտրությունների ընտրողների ցուցակները
Կիմ Չեն Ընը ժամանել է Ռուսաստան
Քաղաքականություն
12.09.2023 | 18:55
Հյուսիսային Կորեայի ղեկավար Կիմ Չեն Ընը ժամանել է Ռուսաստան։ Այս մասին հայտնել է ՌԴ բնական պաշարների նախարար Ալեքսանդր Կոզլովը, որը նրան դիմավորել է Պրիմորսկի երկրամասի Խասան կայարանում, փոխանցում է BBC-ի ռուսական ծառայությունը։
Նա նաև տեսանյութ է հրապարակել, որտեղ երևում է նաև, թե ինչպես է Հյուսիսային Կորեայի առաջնորդը դուրս գալիս զրահապատ գնացքից։ Համացանցում արագորեն տարածվում են Կիմ Չեն Ընի ժամանման կադրերը։
Կոզլովը նաև նշել է, որ Ռուսաստանն ու Հյուսիսային Կորեան այս տարիների ընթացքում «օգնում են միմյանց ոչ միայն որպես հարևաններ, այլ նաև որպես մերձավոր գործընկերներ»։
Հյուսիսային Կորեայի ղեկավարը բանակցություններ է անցկացնելու ՌԴ նախագահ Վլադիմիր Պուտինի հետ։ Ըստ տարբեր տեղեկությունների՝ հանդիպմանը կարող է քննարկվել Ուկրաինայի պատերազմում կռվող ռուսական բանակի համար հյուսիսկորեական զինամթերքի մատակարարման հարցը։
Էմմա Չոբանյան
