02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Փարիզի Օլիմպիական խաղերում չի կարող լինել Ռուսաստանի դրոշ․ Մակրոն
Քաղաքականություն
07.09.2023 | 12:58
Փարիզի 2024 թ-ի Օլիմպիական խաղերին ռուս և բելառուս մարզիկների հնարավոր մասնակցության վերաբերյալ հարցերի ֆոնին՝ Ֆրանսիայի նախագահ Էմանուել Մակրոնն ասել է, որ Օլիմպիական խաղերում «չի կարող լինել ռուսական դրոշ», փոխանցում է Euronews-ը։
Մասնավորապես, մարզական L’Equipe-ին տված հարցազրույցում Մակրոնը հայտարարել է, որ իր կարծիքով՝ կա կոնսենսուս 2024 թվականի խաղերում Ռուսաստանի դրոշի չլինելու վերաբերյալ: Ըստ նրա՝ ռուս և բելառուս մարզիկների անհատական հիմունքներով մրցումներին մասնակցելու վերաբերյալ վերջնական որոշումը կախված կլինի Միջազգային օլիմպիական կոմիտեից և նրա ղեկավար Թոմաս Բախից։
Չնայած ՌԴ-ի կողմից Ուկրաինայում սանձազերծած պատերազմին, որին աջակցում է Բելառուսը, ՄՕԿ-ը խորհուրդ է թույլատրել Ռուսաստանի և Բելառուսի մարզիկներին որպես անհատներ մասնակցել միջազգային մրցումներում: Միևնույն ժամանակ, նրանք ստիպված կլինեն գործել չեզոք դրոշի ներքո, և նրանց մասնակցությունը կախված կլինի նրանից, թե արդյոք նրանք ակտիվորեն աջակցել են Ուկրաինայի պատերազմին։
«Իրական հարցը, որը պետք է լուծի օլիմպիական աշխարհը՝ ինչ տեղ տալ ռուս մարզիկներին, որոնք երբեմն պատրաստվել են ամբողջ կյանքում և կարող են դառնալ այդ ռեժիմի զոհերը,-ասել է Մակրոնը։ Ըստ նրա՝ իրական հարցն այն է, թե ինչպես տարբերակել ռուս մարզիկներին, որոնք աջակցում են Պուտինի պատերազմական ջանքերին և նրանց, որոնք դարձել են ռեժիմի զոհ։
«Դա իրական հարց է, այստեղ օլիպիական աշխարհը պետք է խղճով արտահայտի իր կարծիքը և մատնանշի երաշխիքներ։ Եվ դա պետք է հասկանան նաև ուկրաինացիները»,- հայտարարել է Ֆրանսիայի նախագահը։
