18.12.2025 | 17:21
Մալաթիայի «Ոսկու շուկա»-ի տնօրենը ձերբակալվել է ապօրինի զենք կրելու կասկածանքով
Ռուսաստանը գիշերը հարձակվել է Ուկրաինայի վրա 33 կամիկաձե ԱԹՍ-ով
Քաղաքականություն
07.09.2023 | 13:57
Ուկրաինայի ԶՈՒ ռազմաօդային ուժերն առավոտյան հաղորդման մեջ պնդում են, որ գիշերը ավիահարվածներ են հասցվել Ուկրաինայի երկու շրջաններին՝ Օդեսային և Սումիին, գրում է BBC-ի ռուսական ծառայությունը։
Ըստ հաղորդագրության՝ ռուս զինվորականները հյուսիսային, հարավ-արևելյան և հարավային ուղղություններից հարձակվել են «Շահեդ-136/131» տիպի հարվածային անօդաչու թռչող սարքերի մի քանի խմբերով։
«Ընդհանուր առմամբ, գրանցվել է «Շահեդ»-ների 33 արձակում՝ հիմնականում Օդեսայի շրջանի հարավային շրջանների ուղղությամբ»,- ասվում է զեկույցում։
Ռազմաօդային ուժերը հայտնել են, որ 25 կամիկաձե անօդաչու թռչող սարք են խոցել։
Ավելի վաղ Օդեսայի տարածաշրջանային ռազմական վարչակազմի ղեկավար Օլեգ Կիպերը հայտնել էր, որ անօդաչու թռչող սարքերի հերթական հարձակման հետևանքով, որոնք գրեթե ամենօրյա են դարձել տարածաշրջանի համար, վնասվել են քաղաքացիական և նավահանգստային ենթակառուցվածքային օբյեկտները։ Նրա խոսքով՝ հարձակումը տևել է երեք ժամ, ինչպես երեկ երեկոյան։ Սա վերջին հինգ օրվա ընթացքում չորրորդ հարձակումն է։
