08.12.2025 | 16:44
Արծաթափայլ եղևնիների գողության դեպք է բացահայտվել
ՀՀ շուկաներում լինում է ձիու միս, բայց ոչ մի տեղ չի երևում՝ որտեղ է մորթվում․ Դանիելյան․ ՏԵՍԱՆՅՈՒԹ
Տնտեսություն
06.09.2023 | 12:43
Տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի նիստում երկրորդ ընթերցմամբ քննարկվում է ՀՀ կառավարության հեղինակած «Անասնաբուժության մասին» օրենքում փոփոխություններ կատարելու մասին, «Սննդամթերքի անվտանգության պետական վերահսկողության մասին» օրենքում լրացում կատարելու մասին նախագծերի փաթեթը։
«Հայաստան» խմբակցության պատգամավոր Գառնիկ Դանիելյանը, դիմելով հիմնական զեկուցող` ՀՀ վարչապետի աշխատակազմի տեսչական մարմինների աշխատանքների համակարգման գրասենյակի ղեկավար Պետրոս Մարտիրոսյանին, մտահոգություն արտահայտեց՝ հայտնելով, որ առկա խնդրի մասին հարցում է ուղարկել Սննդամթերքի անվտանգության տեսչական մարմնին՝ ՀՀ-ում ձիերի լայնամասշտաբ սպանդի և շուկաներում տավարի մսի փոխարեն իրացվելու տեղեկությունների կապակցությամբ, և ստացել է ոչ բավարար պատասխան։ «Բայց ահազանգեր ենք ստանում, որ վաճառքի կետերում ձիու միս է առկա»,- նշեց պատգամավորը՝ ընդգծելով, որ մսի վաճառքի ոլոչտը բարձիթողի վիճակում է։
ՀՀ վարչապետի աշխատակազմի տեսչական մարմինների աշխատանքների համակարգման գրասենյակի ղեկավարը վստահեցրեց՝ ներկայացված փոփոխությունների նախագծերի փաթեթները հենց այդ բարձիթողի վիճակը վերացնելուն և ոլորտի կանոնակարգմանն են միտված։
Մանրամասները՝ տեսանյութում։
