24.11.2024 | 17:00
Ֆրանսիայի Բրոն համայնքում Մեղրի քաղաքի պուրակ է բացվել
Էրդողանն ու Պուտինը կարող են կրկին հանդիպել․ Hürriyet
Քաղաքականություն
05.09.2023 | 13:13
Թուրքական իշխանամերձ Hürriyet պարբերականի սյունակագիր Աբդուլքադիր Սելվին հրապարակում է արել նախօրեին Սոչիում տեղի ունեցած Թուրքիայի և ՌԴ-ի նախագահներ Ռեջեփ Թայիփ Էրդողանի և Վլադիմիր Պուտինի բանակցությունների վերաբերյալ։ Սելվին թուրք այլ լրագրողների հետ գտնվել է Սոչիում և հոդվածում ներկայացրել է իր տպավորությունները։
Նա չի բացառել, որ առաջիկայում երկու երկրների ղեկավարները կրկին կարող են հանդիպել։
«Ինչպես և սպասվում էր՝ Պուտինը հայտարարեց Աֆրիկա մեկ միլիոն տոննա հացահատիկ առաքելու առաջարկի մասին։ Նա ասաց, որ իրենք դա չեն տեսնում որպես հացահատիկային միջանցքին այլընտրանք, և Էրդողանը ջերմորեն ողջունել է այս առաջարկը։ Պուտինի հայտարարություններից մենք եզրակացրինք, որ հացահատիկային միջանցքի շուրջ բանակցությունները մի փոքր ավելի երկար են տևելու։ ՄԱԿ-ում Էրդողանի շփումներից հետո երկու առաջնորդները կարող են կրկին հանդիպել»,- գրել է Սելվին։
Նա նշել է, որ Էրդողանը հստակ խոսել է հացահատիկային միջանցքի մասին ու ասել, որ հավատում է Թուրքիայի և ՄԱԿ-ի համատեղ առաջարկությունների փաթեթի հաջողությանը։
Ի դեպ, նախօրեին Սոչիում կայացած բանակցություններից որպես ուշագրավ դրվագ հոդվածագիրն առանձնացնում է ՌԴ ԱԳ նախարար Լավրովի և Թուրքիայի ԱԳ նախարար Հաքան Ֆիդանի, հետախուզական ծառայության ղեկավար Իբրահիմ Քալընի՝ դահլիճի մի անկյունում տեղի ունեցած զրույցը։
Էմմա Չոբանյան
