16.12.2025 | 12:53
Շրջվողը դեմ չէր շրջվելուն․ Խաչատրյանը՝ Արցախում Հարությունյանին Շահրամանյանով փոխարինելու մասին. ՏԵՍԱՆՅՈՒԹ
Նախագահ Վահագն Խաչատուրյանը Երախտագիտության մեդալով է պարգևատրել Ստեփան Գրգեաշարեանին
Քաղաքականություն
04.09.2023 | 17:08
Հանրապետության նախագահ Վահագն Խաչատուրյանը Երախտագիտության մեդալով է պարգևատրել Հայ առաքելական եկեղեցու Ավստրալիայի և Նոր Զելանդիայի թեմական խորհրդի փոխատենապետ Ստեփան Գրգեաշարեանին (Ավստրալիա):
Նախագահը շնորհավորել է հյուրին բարձր պարգև ստանալու կապակցությամբ, շնորհակալություն հայտնել հայապահպանության գործում ներդրած ավանդի և երկարամյա գործունեության համար:
«Դուք եզակի մարդկանցից եք, ով իր ամբողջ գիտակից կյանքը նվիրել է հայրենանվեր աշխատանքի և շատ կարևոր է նաև, որ այն միջավայրում՝ Ավստրալիայում, որտեղ Դուք ապրում և աշխատում եք, նույնպես բարձր գնահատանքի եք արժանացել: Այսօր ես շատ ուրախ եմ, որ կարող եմ Հայաստանի իշխանությունների, Հայաստանի ժողովրդի և իմ անունից շնորհակալություն հայտնել Ձեզ բազմամյա աշխատանքի համար»,- նշել է նախագահը:
Ստեփան Գրգեաշարեանը շնորհակալություն է հայտնել ընդունելության և պարգևատրման կապակցությամբ և շեշտել, որ մեծ պատասխանատվությամբ և ոգևորությամբ է շարունակելու իր գործունեությունը:
