15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Արցախում տեղի ունեցողը նման է ցեղասպանության. Փարիզի քաղաքապետ․ ՏԵՍԱՆՅՈՒԹ
Քաղաքականություն
30.08.2023 | 15:45
Օգոստոսի 30-ին Փարիզի քաղաքապետ Անն Իդալգոն Հայաստան է ժամանել՝ այցելելու Լաչինի միջանցքի սկզբնամաս և ուղեկցելու Ֆրանսիայից ժամանած մարդասիրական բեռներով ավտոշարասյունը, որը նախատեսված է Արցախի համար:
Այս պահին Փարիզի քաղաքապետ Անն Իդալգոն Սյունիքում է։ Կապ է հաստատվել Արցախի նախագահ Արայիկ Հարությունյանի հետ և համատեղ ասուլիս է ընթանում։
Իդալգոն նշեց, որ այսօր այստեղ են, քանի որ Ֆրանսիայում հայկական կազմակերպությունները համակարգող խորհուրդը դիմել է իրենց, և նշեց, որ ժամանակն է միավորվել և գործել, որպեսզի Արցախին մարդասիրական օգնություն տրամադրվի։
«Կանայք, երեխաներ, նորածիններ, նաև տղամարդիկ, որոնք այլևս չեն կարողանում արժանապատվորեն ապրել իրենց հողի վրա․․․
Մեր ուղերձը հստակ է և պարզ՝ հարգել միջազգային իրավունքը:
Արցախի բնակչությունը շրջափակման մեջ է գտնվում անխակ իրենց կամքից և այդ շրջափակումն իրականացվում է՝ խախտելով միջազգային իրավունքը, 2020 թվականի հրադադարի հայտարարությունը:
Եվ քանի որ պետք է խոսել շատ հստակ ու համապատասխան բառեր օգտագործելով, բառերը շատ պարզ են՝ այն, ինչ այսօր տեղի է ունենում Արցախում, նման է ցեղասպանության»,- նշեց Ֆրանսիայի քաղքապետը։
Մանրամասները՝ տեսանյութում։
