27.06.2026 | 11:13
84 տարեկանում մահացել է երգչուհի Ռաիսա Մկրտչյանը
ԵՄ դիտորդը պատմում է, թե ինչպես են ադրբեջանցիները կրակ բացել իրենց ուղղությամբ․ առաքելությունը հաստատել է միջադեպի փաստը․ ՏԵՍԱՆՅՈՒԹ
Քաղաքականություն
15.08.2023 | 17:00
Ռազմական ուղղվածության տելեգրամյան ալիքներում տեսանյութ է տարածվել, որում ԵՄ դիտորդը պատմում է, թե ինչպես են ադրբեջանցիները կրակ բացել իրենց մեքենայի ուղղությամբ։
«Հիմա մենք այստեղ ենք, և դուք տեսնում եք բլուրը․ դա ադրբեջանական այն դիրքն է, որտեղից կրակեցին մեզ, մեր մեքենաների վրա։ Հիմա մենք այստեղ են` խրամատներում, սպասում ենք հաջորդ տեղեկությանը, թե երբ կարող ենք շարժվել հետ՝ դեպի մեր մեքենաները ու լքել դիրքը»,- պատմում է դիտորդը։
Հիշեցնենք, որ ՀՀ ՊՆ-ն հաղորդագրություն էր տարածել, ըստ որի՝ օգոստոսի 15-ին՝ ժամը 12:20-ի սահմաններում, Ադրբեջանի ԶՈՒ ստորաբաժանումները հրաձգային զենքից կրակ են բացել Վերին Շորժայի ուղղությամբ պարեկություն իրականացնող ԵՄ դիտորդների և նրանց պատկանող ավտոմեքենայի ուղղությամբ։
Քիչ անց, սակայն, ՀՀ-ում ԵՄ առաքելությունը հերքել էր տարածված տեղեկությունը, նշելով՝ որ ոչ մի պարեկ կրակի թիրախ չի եղել։ Տեսանյութի տարածումից հետո ԵՄ առաքելությունը նոր ճշգրտում-հաղորդագրությամբ է հանդես եկել, նշելով որ պարեկների պատասխանատվության գոտում կրակոցներ եղել են, առաքելության անդամներից որևէ մեկը չի տուժել։
«Մենք հաստատում ենք, որ ԵՄ առաքելության պարեկը ներկա է եղել մեր պատասխանատվության գոտում կրակոցների միջադեպին։ Առաքելության անդամներից որևէ մեկը չի տուժել»,- ասված է X սոցիալական կայքի՝ առաքելության էջում։
🆕CORRECTING STATEMENT:
— European Union Mission in Armenia (@EUmARMENIA) August 15, 2023
We confirm that #EUMA patrol has been present to the shooting incident in our area of responsibility.
❗️No #EUMA member was harmed.
