15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
ՀՀ-ում ԵՄ առաքելությունը հերքում է․ «Ոչ մի պարեկ կրակի թիրախ չի եղել»
Քաղաքականություն
15.08.2023 | 16:34
ՀՀ-ում ԵՄ առաքելության ոչ մի պարեկ կրակոցի թիրախ չի եղել․ այս մասին X-ում գրառմամբ հայտարաել է ՀՀ-ում ԵՄ առաքելությունը։
«Ոչ մի պարեկ կրակոցի թիրախ չի եղել։ Մենք պարեկություն ենք կատարում ՀՀ-Ադրբեջան սահմանամերձ շրջաններում և զեկուցում ենք Բրյուսելին ռազմական զարգացումների, այդ թվում՝ մեր պատասխանատվության գոտում կրակոցների դեպքերի մասին»,-ասված է գրառման մեջ։
❌No #EUMA patrol has been the target of shooting.
ℹ️ We patrol alongside the 🇦🇲-🇦🇿 border areas and report to 🇪🇺Brussels on military developments, including shooting incidents in our area of responsibility. pic.twitter.com/I5Ojkset7w
— European Union Mission in Armenia (@EUmARMENIA) August 15, 2023
Այսօր ավելի վաղ, ՀՀ ՊՆ-ն հայտնել էր, որ Ադրբեջանի ԶՈւ ստորաբաժանումներն այսօր՝ 12։20-ի սահմաններում, հրաձգային զենքից կրակ են բացել Վերին Շորժայի ուղղությամբ պարեկություն իրականացնող Եվրամիության դիտորդների և նրանց պատկանող ավտոմեքենայի ուղղությամբ։
Factor.am-ը փորձեց այս առնչությամբ պարզաբանում ստանալ ՊՆ մամուլի ծառայությունից։ ՊՆ մամուլի խոսնակ Արամ Թորոսյանը հայտնեց, որ լրացուցիչ կանդրադառնան հարցին՝ այլ մանրամասներ չհայտնելով։
