18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
Ալեքսանդր /Սաշիկ/ Սարգսյանի որդու դեմ ցուցմունք տված Դավիթ Սիմոնյանին բռնության չեն ենթարկել․ փաստաբան
12.07.2018 | 16:21
Երեկ սպանության փորձ կատարելու մեղադրանքով դատարանի որոշմամբ կալանավորվեց Հայաստանի երրորդ նախագահ Սերժ Սարգսյանի եղբորորդին՝ Հայկ Սարգսյանը։
Հայկի դեմ դեպքից 11 տարի անց ցուցմունք է տվել Դավիթ Սիմոնյանը, ով նախքան այս դեպքերը, կալանավորված է եղել։ Հայկ Սարգսյանի պաշտպան Երեմ Սարգսյանը երեկ armtimes.com-ին տված հարցազրույցում ասել էր, որ Սիմոնյանի մարմնի վրա առերեսման ժամանակ արնահոսող վնասվածքներ են եղել, լրագրողի հարցին, թե արդյոք փաստաբանը կարծում է, որ տուժողի նկատմամբ ճնշում է գործադրվել, Սարգսյանն ասել է․ «Մենք հետագայում փաստերով կխոսենք»։
Տուժող Դավիթ Սիմոնյանի պաշտպան Գիվի Հովհաննիսյանը, սակայն, հերքում է դա, ասելով, որ դրանք եղել են մոծակի կծածի հետքեր․ «Իմ պաշտպանյալի վրա եղել են մոծակի կծածի հետքեր, որոնք քորելու արդյունքում արյուն է եկել և նա էլ անձեռոցիկ է խնդրել դրանք մաքրելու համար։ Ունեցել է նաև երիկամային ցավեր, որոնք առաջացել են մեկուսարանային պայմաններում քնելու հետևանքով»։
Պաշտպանը վստահեցրեց, դրանք որևէ կապ չեն կարող ունենալ ցուցմուքնի բովանդակության հետ․ «Ինքը նշել է իրականությունը և որևէ բռնության կամ ծեծի չի ենթարկվել»,- հավալեց Հովհաննիսյանը։
Լիլիթ Շաբոյան
