18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Իրանում հիջաբ չկրող կանանց ազատում են աշխատանքից
Քաղաքականություն
27.07.2023 | 19:57
Իրանում այն կանայք, ովքեր հրաժարվում են հիջաբ կրել, ազատվում են աշխատանքից, նրանց ավտոմեքենաները բռնագրավվում են: Այս մասին հայտնում է The Independent-ը։
Միջազգային իրավապաշտպան Amnesty International կազմակերպությունը հայտնում է, որ Իրանի ոստիկանությունն ավելի քան 133,100 հաղորդագրություն է ուղարկել՝ պահանջելով սահմանված ժամկետով չշահագործել մեքենաները, ինչպես նաև առգրավել է 2,000 մեքենա։
Բացի այդ, հիջաբ չկրող կանայք ազատվում են աշխատանքից, նրանք նաև պատժվում են։ Այս ամսվա սկզբին, օրինակ, մի կնոջ, որպես պատժի մաս, ստիպել են դիահերձարանում մահացածների մարմինները լվանալ:
Հուլիսի 16-ին ոստիկանությունը հայտարարել է, որ հիջաբ կրելը ստուգող պարեկների գործունեությունը կվերականգնվի, ինչպես նաև զգուշացրել, որ հասարակական վայրերում հիջաբ չկրող կանայք և աղջիկները կարող են քրեական պատասխանատվության ենթարկվել։
Հաղորդվում է նաև, որ որոշ կանայք նույն պատճառով ժամանակավոր կամ ընդմիշտ դուրս են մնացել բուհերից, նրանց թույլ չեն տալիս քննություններ հանձնել, նրանց արգելվում է օգտվել հասարակական տրանսպորտից և բանկային ծառայություններից։ Այդ ընթացքում հարյուրավոր ձեռնարկություններ, որոնք հիջաբ կրելը պարտադիր չեն դարձրել, փակվել են։
Հիշեցնենք, որ անցյալ տարի ոստիկանների կողմից բերման ենթարկված իրանցի կնոջ մահը հանգեցրել է հզոր բողոքի ցույցերի։
