09.09.2026 | 11:42
Ծովինար Վարդանյանը՝ ԱԺ ֆինանսավարկային և բյուջետային հարցերի մշտական հանձնաժողովի փոխնախագահ
Վարդան Օսկանյանի հայտարարություններում որևէ օգտակար բան չեմ տեսնում. Նիկոլ Փաշինյան․ ՏԵՍԱՆՅՈՒԹ
Քաղաքականություն
25.07.2023 | 19:31
«Հայաստանի բոլոր նախկին ԱԳ նախարարներն էլ կարող են նման հայտարարություններ անել: Բայց, եթե պետք էր բեկում մտցնել, կարծում եմ՝ պարոն Օսկանյանը կարող էր իր պաշտոնավարման ընթացքում այդ բեկումը մտցնել և մեզ բոլորիս տեսանելի դարձնել այդ բեկումը»,- այս մասին այսօր հրավիրված ասուլիսում հայտարարեց Հայաստանի վարչապետ Նիկոլ Փաշինյանն անդրադառնալով նախկին ԱԳ նախարար Վարդան Օսկանյանի հայտարարությանը, որով նա խոստանում էր լիազորություններ ստանալու դեպքում կարճ ժամանակում բեկում մտցնել բանակցային գործընթացում։
Վարչապետն ընդգծեց, որ բոլոր հայտարարություններին ուշադիր հետևում է, և դրանցում որևէ օգտակար բան չի տեսնում, առնվազն այնպիսին, որ իրագործված չէ:
«Օրինակ՝ Վարդան Օսկանյանը հայտարարում է, որ պետք է շեշտել, որ ԼՂ-ն Խորհրդային Միության ժամանակ ունեցել է ինքնավար մարզի կարգավիճակ: Մինչև Վարդան Օսկանյանի հայտարարությունը, օրինակ՝ նույն ԵՄ խորհրդի նախագահի հայտարարություններում, որոնք հաջորդել են իմ հադիպումներին Ադրբեջանի նախագահի հետ, արձանագրվել է նախկին ԼՂԻՄ եզրույթը:
Վերջին հանդիպման ընթացքում էլ է դա արձանագրվել: Այսինքն՝ դա արձանագրվել է հրապարակային՝ մինչև Վարդան Օսկանյանի հայտարարությունը»,- նշեց վարչապետը:
Մանրամասները՝ տեսանյութում։
