16.12.2025 | 10:19
«Թրամփի ծրագիրը» նույնն է, ինչ «Զանգեզուրի միջանցքի» նախագիծը, որին Թեհրանը կտրականապես դեմ է. Վելայաթի
Պետդուման ընդունել է մինչև 30 տարեկանը բանակ զորակոչվելու մասին օրինագիծը՝ մերժելով զորակոչի նվազագույն տարիքը դարձնել 21-ը
Քաղաքականություն
25.07.2023 | 17:43
Ռուսական բանակում զինվորական ծառայության զորակոչի տարիքային շեմը հաջորդ տարվա հունվարի 1-ից կավելանա երեք տարով՝ մինչև 30 տարեկան։ Ստորին շեմը կմնա անփոփոխ՝ 18 տարեկանը, չնայած այն հանգամանքին, որ 21 տարեկանից բանակ զորակոչելու գաղափարը պատկանում էր պաշտպանության նախարար Սերգեյ Շոյգուին և նախագահ Վլադիմիր Պուտինի առարկությունները չէր հարուցում, գրում է BBC-ի ռուսական ծառայությունը։
ՌԴ Պետդուման երկրորդ ընթերցմամբ ընդունել է օրինագիծ, համաձայն որի՝ բանակ զորակոչվելու վերին շեմը բարձրացվում է մինչև 30 տարեկանը, իսկ ստորին շեմը մնում է անփոփոխ՝ 18 տարեկանը։ Նոր կանոնները կսկսեն գործել արդեն 2024 թվականի հունվարի 1-ից, այսինքն՝ կտարածվի հաջորդ գարնանային զորակոչի վրա։
Հունիսին Պետդուման առաջին ընթերցմամբ ընդունել էր օրինագիծը, սակայն սահմանային շեմն այլ էր՝ 21 և 30 տարեկան։ Իսկ անցած ուրբաթ հայեցակարգը հանկարծակի փոխվեց, և Դումայի պաշտպանության հանձնաժողովը, գեներալ Անդրեյ Կարտապոլովի գլխավորությամբ, երկրորդ ընթերցմամբ հաստատեց փոփոխությունը, ըստ որի՝ Ռուսաստանում զինվորական տարիքի ստորին շեմը չի բարձրացվի։
