02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Ուկրաինայի ԶՈՒ Գլխավոր շտաբը հայտնել է Բախմուտի շրջանում և հարավային ուղղությամբ գրանցված հաջողությունների մասին
Քաղաքականություն
25.07.2023 | 14:54
Ուկրաինայի Զինված ուժերի Գլխավոր շտաբը հայտնել է, որ ուկրաինական զորքերը հարձակողական գործողություններ են իրականացնում Բախմուտ քաղաքից հյուսիս և հարավ։ Մասնավորապես, նրանց հաջողվել է հետ մղել ռուսներին Անդրեևկայի մոտ գտնվող դիրքերից, գրում է BBC-ի ռուսական ծառայությունը։
«Պաշտպանության ուժերի հարձակողական գործողությունների ընթացքում հակառակորդը ստիպված է եղել հետ քաշվել Անդրեևկայի շրջանի դիրքերից»,- երեքշաբթի առավոտյան հայտնել է Ուկրաինայի Զինված ուժերի գլխավոր շտաբի ներկայացուցիչ Անդրեյ Կովալևը։
Միաժամանակ, նրա խոսքով, ռուսներն առաջխաղացման անհաջող փորձեր են կատարել Օրեխովո-Վասիլևկայից հյուսիս-արևմուտք, Իվանովսկուց հարավ և Կլեշչեևկայից արևմուտք ընկած հատվածներում։
Հարավային ճակատում ուկրաինական զորքերը հաջողության են հասել Ստարոմայորսկոյե գյուղի մոտ։ Այժմ, ըստ Գլխավոր շտաբի ներկայացուցչի, պաշտպանության ուժերն այնտեղ ամրացնում են գրավված գծերում։
Ընդհանուր առմամբ, վերջին մեկ օրվա ընթացքում հակառակորդի և ուկրաինացի պաշտպանների միջև ճակատի ամբողջ երկայնքով տեղի է ունեցել 35 բախում։ Ուկրաինայի Զինված ուժերը շարունակում են հակահարձակումը Մելիտոպոլի և Բերդյանսկի ուղղություններում, ամրացած են ձեռք բերված գծերում, հայտնում է Ուկրաինայի ԶՈՒ Գլխավոր շտաբը։
Ավելի վաղ Ուկրաինայի պաշտպանության նախարար Ալեքսեյ Ռեզնիկովը CNN-ին տված հարցազրույցում ասել էր, որ ուկրաինական ուժերի հակահարձակումը հետ է մնում ժամանակացույցից, բայց ընթանում է ըստ պլանի։
