24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Վիկտորյա Նուլանդը ժամանակավորապես կկատարի ԱՄՆ պետքարտուղարի տեղակալի պարտականությունները
Քաղաքականություն
25.07.2023 | 13:39
ԱՄՆ պետքարտուղարի տեղակալի պաշտոնակատար, դեսպան Ուենդի Շերմանը հայտարարել է պետական ծառայությունից հեռանալու մասին։ Նախագահ Ջո Բայդենն առաջարկել է այս պաշտոնը ժամանակավորապես զբաղեցնել Վիկտորյա Նուլանդին, փոխանցում է VOA-ն։
ԱՄՆ Պետքարտուղարության կայքում հրապարակված հայտարարության մեջ պետքարտուղար Էնթոնի Բլինքենը շնորհակալություն է հայտնել Շերմանին «երեք նախագահների և հինգ պետքարտուղարների օրոք ուշագրավ ծառայության համար»։
73-ամյա Վենդի Շերմանը Վաշինգտոնի և համաշխարհային մայրաքաղաքների արտաքին քաղաքական շրջանակներում դիվանագետի համբավ ունի, որն ունակ է ծանր բանակցություններ վարել ԱՄՆ-ի հակառակորդների և թշնամիների հետ, ինչպիսիք են Իրանը, Հյուսիսային Կորեան, Ռուսաստանը, վերջերս՝ նաև Չինաստանը: Ըստ The New York Times-ի՝ Շերմանը «դժվար վայրերում դժվար բանակցություններ վարելու» հմտություն ուներ:
«Վենդի Շերմանի հրաժարականից հետո նախագահ Բայդենը Վիկտորյա Նուլանդին առաջարկել է զբաղեցնել պետքարտուղարի տեղակալի պաշտոնակատարի պաշտոնը՝ սպասելով Սենատի կողմից այդ պաշտոնում առաջադրման հաստատմանը: Մենք շատ բախտավոր ենք, որ իր փորձառությամբ, հմտությամբ և Պետքարտուղարությանը նվիրված անձնավորությունը ստանձնում է այս պատասխանատվությունը»,- ասվում է Էնթոնի Բլինքենի հայտարարության մեջ:
