02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Մենք չենք սատարում Ռուսաստանի տարածքի վրա հարձակումները. Սպիտակ տուն
Քաղաքականություն
25.07.2023 | 14:20
Սպիտակ տան մամուլի քարտուղար Կարին Ժան-Պիերը, պատասխանելով Մոսկվայում անօդաչու թռչող սարքերի կիրառմամբ վերջին հարձակումները մեկնաբանելու խնդրանքին, հայտարարել է, որ «Միացյալ Նահանգները, ընդհանուր առմամբ, չի սատարում ռուսական տարածքի վրա հարձակումները», գրում է VOA-ն։
Միաժամանակ, ԱՄՆ Պետքարտուղարության խոսնակ Մեթյու Միլլերը «սահմռկեցուցիչ» է անվանել ռուսական հարձակումներն Օդեսայի, Նիկոլաևի և Ուկրաինայի հարավի վրա, որոնք չեն դադարում անցած շաբաթվանից։
«ԱԹՍ-ների և հրթիռային հարվածների արդյունքում, որոնք սկսվել են անցյալ շաբաթ՝ Սևծովյան հացահատիկային գործարքից ՌԴ-ի դուրս գալուց հետո, զոհվել ու վիրավորվել են տասնյակ խաղաղ բնակիչներ, ավերվել են մշակութային ժառանգության օբյեկտներ, որոնք ներառված են ՅՈՒՆԵՍԿՕ-ի ցուցակներում, այդ թվում՝ ուղղափառների պատմական Պայծառակերպության տաճարը, ոչնչացվել են նավահանգստային ենթակառուցվածքներ ու հացահատիկի պահեստներ, որոնք կարող էին կերակրել հարյուր հազարավոր մարդկանց ամբողջ աշխարհում»,- հայտարարել է Միլլերն ասուլիսի ժամանակ։
