06.06.2026 | 14:49
Անօդաչու թռչող սարքեր և հատուկ տեխնիկա․ ընտրություններից առաջ Հակակոռուպցիոն կոմիտեն լայնածավալ գործողություններ է իրականացնում
Կամավոր աշխատանք իրականացնելը համարվելու է աշխատանքային փորձառություն. փոխնախարար. ՏԵՍԱՆՅՈՒԹ
Քաղաքականություն
24.07.2023 | 12:59
«Հենման կետ» նոր նախագծի շրջանակում «Մեդիա կենտրոն»-ում մեկնարկել է «Կամավոր աշխատանքի մասին» օրենքի նախագծի քննարկումը։
Որքանո՞վ են ներկայացվող ու ԱԺ հաստատմանը սպասող նախագծերը հաշվի առնում քաղաքացիների իրավունքները, կարո՞ղ են քաղաքացիներն ազդել այդ նախագծերի շտկման, փոփոխության, համալրման վրա․ այս հարցերին է նվիրված քննարկումը:
Կամավոր աշխատանք իրականացնելն այսուհետ համարվելու է աշխատանքային փորձառություն։ Այս մասին քննարկման ժամանակ ընդգծեց ՀՀ Աշխատանքի և սոցիալական հարցերի փոխնախարար Ռուբեն Սարգսյանը։
Բանախոսի դիտարկմամբ՝ կամավորությունը կարևոր է նրանով, որ քաղաքացին ինքնադրսևորվում է մասնակցում է այս կամ այն կարևոր գործընթացին, այսինքն՝ ակտիվություն է ցուցաբերում։
«Քաղաքացու ակտիվությունը կարևոր է․ դա բնորոշ է ժողովրդավարական երկրներին։
Բացի դրանից՝ կամավորական աշխատանքը նպաստում է կրթություն- աշխատաշուկա կապի ամրապնդմանը։ Կամավորական աշխատանք իրականացնելով՝ մարդը փորձ է ձեռք բերում, սոցիալական կապիտալ է կուտակում և հետագայում դա մարդուն հնարավորություն է տալիս ավելի հեշտ ինտեգրվել աշխատաշուկայում»,- նշեց փոխնախարարը։
Մանրամասները՝ տեսանյութում։
