17.12.2025 | 14:05
Ուշ գիշերին եմ մասնակցել նիստին, թեկնածությունս հաստատվել է. Տիգրան Պարսիլյան․ ՏԵՍԱՆՅՈՒԹ
Ուկրաինան հետ է վերադարձրել ՌԴ-ի կողմից գրավված տարածքների 50 տոկոսը․ Բլինքեն
Քաղաքականություն
24.07.2023 | 12:57
ԱՄՆ պետքարտուղար Էնթոնի Բլինքենը հայտարարել է, որ թեպետ Ուկրաինան հետ է գրավել ռուսական ներխուժման ժամանակ գրավված տարածքների կեսը, Կիևը բախվել է «շատ դժվարին պայքարի»՝ ավելին վերադարձնելու համար, գրում է Reuters-ը։
«Արդեն իսկ վերադարձվել է գրավվածի 50 տոկոսը։ Դեռևս հակահարձակման համեմատաբար վաղ օրեր են: Դա դժվար է։ Այն տեղի չի ունենա առաջիկա մեկ-երկու շաբաթվա ընթացքում: Կարծում եմ՝ մենք դեռ մի քանի ամիս սպասելու ենք»,- ասել է Բլինքենը CNN-ի հետ հարցազրույցում։
Հարցին, թե Ուկրաինան կստանա՞ ամերիկյան F-16 կործանիչներ, Բլինքենը պատասխանել է՝ հավատում է, որ դա կլինի:
«Եվ կարևոր շեշտադրումն այն է, որ համոզվենք, որ երբ նրանք դա անեն, նրանք կլինեն պատշաճ պատրաստված, ունակ կլինեն պահպանել ինքնաթիռները և օգտագործել դրանք խելացի ձևով»,- ասել է ԱՄՆ պետքարտուղարը։
Հավելենք, որ ԱՄՆ-ն Ուկրաինային ավելի քան 41 մլրդ դոլարի ռազմական օգնություն է տրամադրել 2022 թվականի փետրվարի ռուսական ներխուժումից ի վեր։
Էմմա Չոբանյան
