15.12.2025 | 21:26
Հայաստանի մի շարք հասցեներում էլեկտրաէներգիայի անջատումներ կլինեն
Օդեսան երրորդ գիշերն անընդմեջ ռուսական հարվածների թիրախում է
Քաղաքականություն
20.07.2023 | 11:16
ՌԴ զինուժը երրորդ գիշերն անընդմեջ հրթիռային հարվածներ է հասցնում Օդեսա նավահանգստային քաղաքին, գրում է BBC-ի ռուսական ծառայությունը։ Ուկրաինական մամուլը հայտնում է Օդեսայի մարզում ուժեղ պայթյունների մասին։ Ուկրաինայի ռազմաօդային ուժերը հայտնել են, որ արձակվել են գերձայնային Onyx հականավային հրթիռներ։ Ուկրաինայի ԶՈւ-ն հայտնել է նաև Х-22 ռմբակոծիչներից Օդեսայի վրա հրթիռների արձակման երկրորդ ալիքի մասին։ Տեղեկություններ են ստացվել Նիկոլաևում պայթյունների մասին, ինչպես նաև դեպի Օդեսա շարժվող «Շահեդների» մասին։
Նիկոլաևի շրջանային վարչակազմի ղեկավար Վիտալի Կիմը հայտնել է, որ ռուսական բանակի հասցրած հարվածի հետևանքով Նիկոլաևի կենտրոնում եռահարկ տուն և ավտոտնակ է հրդեհվել։ Նիկոլաևում հրթիռային հարձակման հետևանքով տուժել է 18 խաղաղ բնակիչ։ 9 հոգի հոսպիտալացվել է, այդ թվում՝ 5 երեխա։
Ուկրաինայի զինված ուժերի «Հարավ» օպերատիվ հրամանատարության մամուլի խոսնակ Նատալյա Գումենյուկը հայտնել է, որ Օդեսայում գիշերային հրթիռային հարձակման հետևանքով վարչական շենք է ավերվել, չորս մարդ վիրավորվել է։
