14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ուկրաինան ստանձնել է Ղրիմում զինամթերքի պահեստում հրդեհի պատասխանատվությունը
Քաղաքականություն
19.07.2023 | 18:49
Ուկրաինայի հետախուզության ղեկավար Կիրիլ Բուդանովը հայտարարել է, որ Ղրիմում զինամթերքի պահեստում բռնկված հրդեհը գլխավոր հետախուզական վարչության և Ուկրաինայի զինված ուժերի գործողության արդյունք է։ Իր Telegram ալիքում նա նշել է, որ տեղի բնակիչները տվյալներ են փոխանցել զինված ուժերի պահեստի գտնվելու վայրի մասին։
Ավելի վաղ Ղրիմի ղեկավար Սերգեյ Աքսյոնովը հայտարարել էր, որ քննչական մարմինները կպարզեն Կիրովսկի շրջանի զորավարժարանում բռնկված հրդեհի պատճառները, և դրա հետևանքները հնարավորինս արագ կվերացվեն։ Նա Ղրիմի բնակիչներին կոչ է արել հանգստություն պահպանել։
Նախատեսվում է ավելի քան երկու հազար մարդու տարհանել միջադեպի հարակից տարածքից։ Տարհանումն իրականացվում է Կրինիչկի, Այվազովսկոե, Աբրիկոսովկա և Պրիվետնոյե բնակավայրերից, որոնք գտնվում են զորավարժարանի մոտ։ Մարդիկ ստիպված կլինեն նվազագույնը մեկ օրով լքել իրենց տները։
Հրդեհի պատճառով փակվել է նաև Տավրիդայի մայրուղին։
Տաթև Ֆռանգյան
