25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
Պուտինը չի մեկնի ՀԱՀ՝ ԲՐԻԿՍ-ի գագաթնաժողովին․ նրա փոխարեն ռուսական պատվիրակությունը կգլխավորի Լավրովը
Քաղաքականություն
19.07.2023 | 17:02
ՌԴ նախագահ Վլադիմիր Պուտինը չի մեկնելու Հարավաֆրիկյան Հանրապետություն՝ ԲՐԻԿՍ-ի գագաթնաժողովին։ Այս մասին հայտարարել է ՀԱՀ նախագահի աշխատակազմը։ Ռուսական պատվիրակությունը կգլխավորի արտգործնախարար Սերգեյ Լավրովը, նշում է Meduza-ն։
Հաղորդվում է, որ Պուտինի չմեկնելու որոշումը կայացվել է ռուսական կողմի հետ «փոխադարձ համաձայնությամբ»։
Նշենք, որ ՀԱՀ-ը վավերացրել է Հռոմի ստատուտը, ուստի իրավաբանորեն պարտավոր է Միջազգային քրեական դատարանի որոշման համաձայն՝ կալանավորել Պուտինին և հանձնել Հաագային։
Միևնույն ժամանակ, ՀԱՀ նախագահ Սիրիլ Ռամաֆոսան, պատասխանելով ՄՔԴ-ի նկատմամբ պարտավորությունները կատարելու՝ ընդդիմության պահանջին, ասել էր, որ Ռուսաստանը զգուշացրել է՝ Պուտինի ձերբակալությունը կդիտվի որպես պատերազմի հայտարարություն։
Կրեմլի մամուլի խոսնակ Դմիտրի Պեսկովն էլ իր հերթին ասել է, որ Ռուսաստանը որևէ սպառնալիք չի հնչեցրել Հարավաֆրիկյան Հանրապետության իշխանությունների հասցեին՝ կապված գագաթնաժողովին մասնակցելու դեպքում Ռուսաստանի նախագահի հնարավոր ձերբակալության հետ, սակայն նախազգուշացրել է հնարավոր հետևանքների մասին։
ԲՐԻԿՍ-ի գագաթնաժողովը տեղի է ունենալու օգոստոսին։
Էմմա Չոբանյան
