02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Իսրայելցի ցուցարարները երթով շարժվում են դեպի Երուսաղեմ
Քաղաքականություն
19.07.2023 | 17:33
Իսրայելում 7 ամիս շարունակվող բողոքի ցույցերը նոր փուլ են թևակոխում. Թել Ավիվում հերթական բազմահազարանոց ցույցերը ցրելուց և Արիել Շարոնի պուրակում ակտիվիստների կարճատև գիշերելուց հետո Բենիամին Նեթանյահուի՝ դատական համակարգը բարեփոխելու ծրագրերից դժգոհողները երթով շարժվել են դեպի Երուսաղեմ, գրում է Euronews-ը։
Քարոզարշավի մասնակիցները մտադիր են դիրքեր զբաղեցնել Կնեսետի առջև՝ նախքան խորհրդարանականները կսկսեն վճռական քվեարկությունը բարեփոխումների կարևոր կետերից մեկի՝ «իլատ հա-սվիրուտ»-ի (עילת הסבירות) կամ «խելամտության սկզբունքի» կամ «իրավական անկարողության սկզբունքը» վերացնելու վերաբերյալ, որը թույլ կտա Գերագույն դատարանին բեկանել կառավարության որոշումները։ Հուլիսի սկզբին տեքստն արդեն հաստատվել էր առաջին ընթերցմամբ։
Երթը նախաձեռնել է բողոքի ակցիայի առաջնորդներից պրոֆեսոր Շիկմա Բրեսլերը։
Նախօրեին վարչապետի հակառակորդներն ասել են․
«Կարծում եմ, որ Իսրայելի ներսում բոլոր հնարավորությունները սպառված են: Այժմ մենք աջակցություն ենք փնտրում միջազգային հանրության կողմից, որպեսզի լուծենք ճգնաժամը, դրա բոլոր մասնակիցները պետք է նստեն բանակցությունների սեղանի շուրջ»:
«Ծնողներս այնքան շատ են աշխատում մեզ հարմարավետ կյանք ապահովելու համար, և հետո գալիս են քաղաքական գործիչներ, ովքեր կարող են մեկ վայրկյանում խլել մեր իրավունքները և դժվարացնել մեր կյանքը՝ երկիրը շատ տարիներով հետ շպրտելով»։
Ըստ The New York Times-ի՝ Սպիտակ տան ղեկավարը, որը հյուրընկալել էր Իսրայելի նախագահ Հերցոգին, Նեթանյահուին խորհուրդ է տվել հետ կանչել բարեփոխումները «լայն կոնսենսուսի բացակայության դեպքում»։
Տաթև Ֆռանգյան
