16.05.2026 | 13:19
Ամերիկյան ինդեքսները նվազել են
Դնեպրի ստորին հատվածում մարտական գործողությունները թեժացել են․ բրիտանական հետախուզություն
Քաղաքականություն
19.07.2023 | 15:37
Ուկրաինայի ԶՈւ ստորաբաժանումների գործողություններն ավերված Անտոնովի կամուրջի մերձակայքում ռուսական բանակին բարդ երկընտրանքի առաջ են դրել, ասվում է Մեծ Բրիտանիայի ռազմական հետախուզության այսօրվա զեկույցում, գրում է BBC-ի ռուսական ծառայությունը։
Հետախուզության տվյալների համաձայն՝ հուլիսի սկզբից Դնեպրի ստորին հատվածում ռազմական գործողություններն ակնհայտորեն թեժացել են։ Բացի արևելյան ափին ավերված Անտոնովսկի կամրջի մոտ գտնվող ուկրաինական փոքր հենակետի շուրջ ինտենսիվ մարտերից՝ ռուսական և ուկրաինական զորքերի փոքր խմբերը նույնպես պայքարում են Դնեպրի դելտայի կղզիների վերահսկողության համար:
Նշվում է, որ երկու կողմերն էլ օգտագործում են ոչ մեծ արագընթաց նավակներ։ Միաժամանակ, ուկրաինացիներին հաջողվում է մարտավարական կամիկաձե հարվածային անօդաչուների օգնությամբ հաջողությամբ հարվածել ռուսական նավակներին:
Զեկույցում ասվում է, որ սա ռուսական հրամանատարությանը երկընտրանքի առաջ է դնում՝ պատասխանել այս սպառնալիքին՝ ուժեղացնելով Դնեպրի զորքերի խումբը Զապորոժիեի շրջանում ուկրաինական հակահարձակումը զսպող արդեն ստորաբաժանումների հետագա թուլացման գնով, թե՝ ոչ։
Էմմա Չոբանյան
