15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Արևմտյան կոալիցիան Կիևի հակահարձակման համար 63․000 զինվորականի է պատրաստել
Քաղաքականություն
19.07.2023 | 13:38
Արևմտյան երկրների կոալիցիան Կիևի հակահարձակման համար պատրաստել է ուկրաինական բրիգադի 17 մարտական թիմ և ավելի քան 63,000 զինծառայողի, որոնցից 15,000-ին միայն ԱՄՆ-ն է պատրաստում, և «մարզումները շարունակվում են»։ Այս մասին հայտարարել է ԱՄՆ զինված ուժերի շտաբի պետերի միացյալ շտաբի նախագահ, գեներալ Մարկ Միլին։
ԱՄՆ պաշտպանության նախարար Լլոյդ Օսթինի հետ միասին նա ելույթ է ունեցել Պենտագոնում Ուկրաինայի պաշտպանության կոնտակտային խմբի տասնչորսերորդ հանդիպումից հետո (Ռամշտեյնի ձևաչափ)։ Այն այս անգամ անցկացվել է առցանց, գրում է DW-ի ռուսական ծառայությունը։
Միլին հիշեցրել է Կիևին ԱՄՆ-ի կողմից անվտանգության ոլորտում լրացուցիչ 800 մլն դոլարի օգնության փաթեթի մասին։ Այն ներառում է լրացուցիչ հրետանային համակարգերի, այդ թվում՝ HIMARS-ի, և հակաօդային պաշտպանության զինատեսակների, ինչպիսիք են Patriot զենիթահրթիռային համակարգերի մատակարարում։ Բացի այդ, փաթեթում ներառված է հակատանկային և ճշգրիտ կառավարվող ավիացիոն զինամթերքի լայն տեսականի։ Նրա տվյալներով՝ Ուկրաինային անվտանգության ոլորտում ԱՄՆ օգնության ընդհանուր ծավալը գերազանցել է 40 մլրդ դոլարը։
Պենտագոնի ղեկավար Լլոյդ Օսթինն էլ հիշեցրել է Դանիայի և Նիդերլանդների ներդրման մասին, որոնք «շարունակում են առաջընթաց գրանցել ուկրաինացի օդաչուների համար չորրորդ սերնդի F-16 կործանիչների վարման համաձայնեցված ուսումնական պլանի մշակման գործում»։
Նա նաև նշել է, որ Շվեդիան և Ֆրանսիան Ուկրաինայի հետ ստորագրել են պաշտպանական գնումների երկկողմ համաձայնագրեր, որոնք կօգնեն Կիևին ավելի առաջադեմ համակարգեր ձեռք բերել։
Էմմա Չոբանյան
