15.12.2025 | 14:12
Թմրանյութ օգտագործած վարորդներին կբացահայտեն տեխնիկական սարքերի միջոցով. նոր նախագիծ
Չինաստանը պատրաստվում է բազմակի օգտագործման տիեզերանավ արձակել
Քաղաքականություն
19.07.2023 | 13:01
Չինաստանի առաջին բազմակի օգտագործման տիեզերանավը կգործարկվի արդեն 2027 թվականին: Այս մասին հայտնել է բաց տիեզերքում Չինաստանի առաջին տայկոնավորդ Յանգ Լիվեյը, գրում է DW-ի ռուսական ծառայությունը։
Նրա կարծիքով՝ նավը «կարևոր դեր կխաղա չինական տիեզերակայանի ապագա կառուցման և Լուսնի վրա վայրէջքի գործում»։ Ակնկալվում է, որ այն կկարողանա տեղափոխել յոթ տայկոնավտ։ Նավը նախատեսված է լինելու ինչպես դեպի Երկրի ուղեծիր թռիչքների, այնպես էլ խորը տիեզերքի հետախուզման համար, նշում է պարբերականը։
Տիեզերանավի նախատիպը 2020 թվականին հաջողությամբ ավարտել է 67-ժամյա փորձնական թռիչքը՝ օգտագործելով Long March 5 մեկնարկային մեքենան: Ըստ Յանգ Լիվեյի՝ նավի հիմնական մասերը կարող են օգտագործվել մինչև 10 անգամ անընդմեջ, ինչը զգալիորեն կնվազեցնի արձակման արժեքը։
Dpa-ն էլ գրում է, որ սարքը մոտավորապես երկու անգամ ավելի մեծ ու ծանր է լինելու, քան SpaceX-ի Dragon V2-ը։
Չինաստանը ցանկանում է մինչև 2030 թվականը տայկոնավորդների ուղարկել Լուսին։
Ավելի վաղ՝ մայիսի 30-ին, Չինաստանն անձնակազմի երեք անդամներով նավ է ուղարկել դեպի Տյանգոն ուղեծրային կայան։ Նրանց թվում է առաջին քաղաքացիական տայկոնավորդ, օգտակար բեռների մասնագետ Գուի Հայչաոն։ Մինչև վերջերս Չինաստանից տիեզերք էին թռչում միայն զինվորականները։
Տաթև Ֆռանգյան
