24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Թուրքիան և Սաուդյան Արաբիան բանակցում են ՌԴ տարված ուկրաինացի երեխաների վերադարձի հարցով․ ներգրավված է նաև Ռոման Աբրամովիչը․ FT
Քաղաքականություն
18.07.2023 | 20:56
Սաուդյան Արաբիան և Թուրքիան գաղտնի բանակցություններ են վարում Ռուսաստան տարված ուկրաինացի երեխաների վերադարձի հարցով։ Այս մասին հայտնում է Financial Times-ը՝ վկայակոչելով բանակցություններին ծանոթ չորս աղբյուրների, գրում է Meduza-ն։
Աղբյուրի փոխանցմամբ՝ բանակցություններն ընթանում են արդեն մի քանի ամիս։
Հաղորդվում է, որ բանակցություններում մասնակցում է նաև ռուսաստանցի գործարար Ռոման Աբրամովիչը, որն ուկրաինական պատերազմի սկզբում միջնորդ էր ռուս-ուկրաինական խաղաղ բանակցություններում՝ գերիների փոխանակման և հացահատիկի գործարքի քննարկումներում։
Ըստ FT-ի՝ հակամարտող երկու կողմերի համար երեխաների հարցն այնքան լուրջ է, որ նրանք հրաժարվում են ուղիղ զրուցել միմյանց հետ՝ ի տարբերություն, օրինակ, գերիների փոխանակման հարցով բանակցությունների:
Աղբյուրներից մեկի համաձայն՝ Սաուդյան Արաբիան Կոպենհագենում G20-ի հանդիպմանը բարձրացրել է ուկրաինացի երեխաների վերադարձի շուրջ անհրաժեշտության բանակցությունների հարցը։ Միևնույն ժամանակ, արևմտյան երկրներն ընդունել են Սաուդյան Արաբիայի միջնորդի դերը։
Հիշեցնենք, որ 2023 թվականի մարտին Հաագայի Միջազգային քրեական դատարանը Ռուսաստանի նախագահ Վլադիմիր Պուտինին և Ռուսաստանի երեխաների հարցերով օմբուդսմեն Մարիա Լվովա-Բելովային կալանելու օրդեր էր տվել՝ Ուկրաինայից երեխաներին բռնի կերպով տեղափոխելու մեղադրանքով։
Էմմա Չոբանյան
