14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Իրաքի Քուրդիստանի ղեկավարը Բաքվում հանդիպել է Ալիևի հետ
Քաղաքականություն
18.07.2023 | 18:44
Իրաքի Քուրդիստանի ղեկավար Նեչիրվան Բարզանին աշխատանքային այցով Բաքվում է, որի շրջանակում հանդիպել է Ադրբեջանի նախագահ Իլհամ Ալիևին։
Ադրբեջանական կողմի հաղորդմամբ՝ հանդիպմանը խոսվել է այս տարվա փետրվարին Մյունխենում Անվտանգության համաժողովի շրջանակում կայացած Ալիևի և Բարզանիի հանդիպման մասին։ Նշվել է, որ այդ հանդիպմանն արդյունավետ քննարկումներ են ծավալվել՝ կապված համագործակցության առանցքային ոլորտների հետ, ընդգծվել է, որ Նեչիրվան Բարզանիի այցը կնպաստի համագործակցության դինամիկան մեծացնելուն։
Այնուհետեւ հանդիպումը շարունակվել է պատվիրակությունների մասնակցությամբ։
«Հանդիպումների ընթացքում կողմերը քննարկել են առևտրատնտեսական հարաբերությունների ընդլայնման, ներդրումների, էներգետիկայի ոլորտում համագործակցության, զբոսաշրջության հնարավորությունների ավելացման հարցեր։ Քննարկվել է նաև ուղիղ չվերթների բացման հարցը»,- ասվում է հաղորդագրության մեջ։
Էմմա Չոբանյան
