15.12.2025 | 11:22
Ծիծեռնակաբերդի խճուղու հիմնական փլուզված հատվածը վերականգնվել է․ քաղաքապետարանի պաշտոնյա. ՏԵՍԱՆՅՈՒԹ
Ուկրաինայի ԶՈւ-ն հայտնել է ընթացող ծանր մարտերի մասին
Քաղաքականություն
18.07.2023 | 18:16
Ուկրաինայի ԶՈւ Տավրիի ուղղության պաշտպանության ուժերի միացյալ մամուլի կենտրոնի խոսնակ Վալերի Շերշենը հայտնել է Դոնեցկի մարզում Ստարոմայորսկ գյուղի համար ընթացող ծանր մարտերի մասին, գրում է Ուկրաինսկայա պրավդան։
«Ուկրաինայի Զինված ուժերը շարունակում են հարձակողական գործողություն իրականացնել Մելիտոպոլի և Բերդյանսկի ուղղություններում, համախմբվել ձեռք բերված գծերում, իրականացնել տարածքի օդային հետախուզություն, ականազերծման և հակամարտկոցային գործողություններ։ Ծանր մարտերը Մակարովկայից հարավ գտնվող Ստարոմայորսկոյե գյուղի համար՝ Մոկրիի Յալի գետի երկայնքով, մեծ ուշադրության գոտում են։ Այստեղ առավելությունը մեր կողմն է»,- նշել է Վալերի Շերշենը։
Նա հավելել է, որ ռուսական ուժերը փորձում են ռեզերվները տեղափոխել ռազմաճակատի այն հատվածներ, որտեղ «մենք հարձակողական գործողություններ ենք իրականացնում և փորձում ենք առաջ շարժվել»։
«Այս առաջընթացը, կարելի է ասել, քայլ առ քայլ է: Թեև դրանք փոքր հեռավորություններ են, բայց հակառակորդի համար դրանք բավականին նկատելի են»,- ասել է Ուկրաինայի ԶՈՒ ներկայացուցիչը։
Տաթև Ֆռանգյան
