25.07.2026 | 10:33
Արտարժույթների փոխարժեքները՝ հուլիսի 25-ի դրությամբ
Չինաստանում անոմալ` 52,2°C շոգից հետո «Թալիմ» թայֆունն է մոլեգնում․ քամու ուժգնությունը հասել է 140 կմ/ժ-ի. ՏԵՍԱՆՅՈՒԹ
Քաղաքականություն
18.07.2023 | 20:31
Չինաստանի հարավ-արևելյան ափին մոլեգնում է «Թալիմ» հզոր թայֆունը, ինչի պատճառով տարհանվել է գրեթե 230 հազար մարդ։ Հարյուրավոր չվերթներ և գնացքների երթևեկություն չեղարկվել են, սրա հետ մեկտեղ, տեղի իշխանությունները փակել են ափամերձ զբոսաշրջային տասնյակ կետեր, ափ են հետ կանչել ավելի քան 2500 ձկնորսական նավեր, գրում է BBC-ի ռուսական ծառայությունը:
Առաջին թայֆունը հարվածել է Գուանդուն նահանգին, որտեղ երկուշաբթի երեկոյան քամիները հասել են գրեթե 140 կմ/ժ արագության, հայտնում է Չինաստանի օդերևութաբանական ծառայությունը։ Երեքշաբթի այն տեղափոխվել է հարևան Գուանսի նահանգ։
Դրանից հետո փոթորիկը շարժվել է դեպի Վիետնամ, սակայն մինչ այդ արդեն հասցրել է թուլանալ։
Գուանդուն նահանգում ծառերն ընկել են երթևեկող մեքենաների վրա, ծովի ափ է դուրս նետվել կետ, իսկ անձրևաջրերի հեղեղների մեջ լողացել է պաղպաղակով լի սառցարան։ Չինաստանի պետական լրատվամիջոցների փոխանցմամբ՝ հրշեջները մաքրել են ճանապարհներն աղբից և փրկել մարդկանց, ովքեր արգելափակված են եղել իրենց մեքենաներում՝ տապալված ծառերի պատճառով։
Թայֆունը հարվածել է Չինաստանին երկու օր անց այն բանից հետո, երբ երկրի հյուսիսարևմտյան Սինցզյան նահանգի հեռավոր քաղաքներից մեկում գրանցվել է ռեկորդային՝ 52,2°C ջերմաստիճան:
Արտակարգ եղանակային պայմաններից, ինչպիսիք են հորդառատ անձրևները և ծայրահեղ շոգերը, այժմ տառապում են Ասիայի խոշոր հատվածները։
Տաթև Ֆռանգյան
