24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Եվրախորհրդարանի հանձնաժողովը Թուրքիային կոչ է անում կարգավորել հարաբերությունները ՀՀ-ի հետ, ճանաչել Հայոց ցեղասպանությունը
Քաղաքականություն
18.07.2023 | 14:53
Եվրախորհրդարանի արտաքին հարաբերությունների հանձնաժողովը ընդունել է Թուրքիայի վերաբերյալ հանձնաժողովի 2022 թվականի զեկույցը։ Այս մասին թվիթերյան գրառմամբ հայտնել է Բելգիայում ՀՀ դեսպանատունը։
Նշվում է, որ այն աջակցում է Հայաստանի և Թուրքիայի միջև հարաբերությունների կարգավորմանը՝ ի շահ հաշտեցման, տարածաշրջանային կայունության և անվտանգության։
«Այն ողջունում է մինչ այժմ ձեռք բերված առաջընթացը և երախտագիտությամբ նշում Հայաստանի վարչապետի ներկայությունը Թուրքիայի նորընտիր նախագահի երդմնակալությանը։ Կոչ է արվում արագ իրականացնել հատուկ ներկայացուցիչների կողմից ձեռք բերված պայմանավորվածությունները, ինչպիսիք են օդային տարածքի և երկու երկրների միջև սահմանի բացումը»,- ասվում է զեկույցում։
Այն ևս մեկ անգամ «խրախուսում է Թուրքիային ճանաչել Հայոց ցեղասպանությունը՝ ճանապարհ հարթելու թուրք և հայ ժողովուրդների միջև իրական հաշտեցման համար»։ Բացի այդ, այն նաև խրախուսում է Թուրքիային՝ «լիովին հարգել հայկական մշակութային ժառանգությունը պաշտպանելու իր պարտավորությունները»։
Էմմա Չոբանյան
