23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Ռուսաստանում ավելացել են «դավաճանության» հոդվածով գործերը. ՄԱԿ
Քաղաքականություն
18.07.2023 | 12:27
2022 թվականին Ռուսաստանում «դավաճանության» հոդվածով հարուցվել է 24 գործ, այս մեղադրանքով դատապարտվել է 16 մարդ։ Միաժամանակ, 2023 թվականի առաջին վեց ամիսների ընթացքում «դավաճանության» համար մեղադրանք է առաջադրվել առնվազն 43 կասկածյալի։
DW-ի ռուսական ծառայության փոխանցմամբ՝ նման տվյալներ են ներկայացրել ՌԴ-ում մարդու իրավունքների իրավիճակի հարցերով ՄԱԿ-ի հատուկ զեկուցող Մարիանա Կացարովան ու խղճի ազատության և ազատ արտահայտման իրավունքի պաշտպանության հատուկ զեկուցող Այրեն Խանը։
Փորձագետները հիշեցրել են ամերիկյան The Wall Street Journal-ի (WSJ) լրագրող Էվան Գերշկովիչի ճակատագիրը, որը Ռուսաստանում մեղադրվում է լրտեսության մեջ։ Մոսկվայի Լեֆորտովոյի դատարանը մայիսին նրա կալանքի ժամկետը երկարացրել է մինչև օգոստոսի 30-ը։
Գերշկովիչը դարձել է առաջին օտարերկրյա թղթակիցը, որը նման մեղադրանքով ձերբակալվել է Ռուսաստանում 1986 թվականից ի վեր։ ԱԴԾ-ն պնդում է, որ Գերշկովիչը տեղեկատվություն է հավաքել ռազմարդյունաբերական համալիրի ձեռնարկության մասին, որը պետական գաղտնիք է։
