24.02.2026 | 12:50
Ռուբեն Ռուբինյանի ճեպազրույցը. ՈՒՂԻՂ
Բայրամովը Բաքվում ՌԴ նորանշանակ դեսպանի հետ Լաչինի միջանցքի շուրջ իրավիճակն է քննարկել
Քաղաքականություն
18.07.2023 | 11:37
Ադրբեջանի ԱԳ նախարար Ջեյհուն Բայրամովն ընդունել է Բաքվում ՌԴ նորանշանակ դեսպան Միխայիլ Եվդոկիմովին։ Վերջինը Բայրամովին է փոխանցել իր հավատարմագրերի պատճենը, գրում են ադրբեջանական լրատվամիջոցները։
Հանդիպման ընթացքում մտքերի փոխանակություն է տեղի ունեցել 44-օրյա պատերազմից հետո տարածաշրջանում ստեղծված իրավիճակի, Հայաստանի հետ խաղաղության գործընթացի, ինչպես նաև միջազգային կազմակերպությունների շրջանակում համագործակցության հարցերի շուրջ։
Ադրբեջանական կողմը նշել է, որ «երկու երկրներն իրենց հարաբերությունները կառուցել են անկախության, ինքնիշխանության և տարածքային ամբողջականության փոխադարձ հարգանքի սկզբունքներին հավատարմության հիման վրա՝ Ադրբեջանի Հանրապետության և Ռուսաստանի Դաշնության միջև դաշնակցային համագործակցության մասին հռչակագրի համաձայն, և որ Ադրբեջանի ինքնիշխանությունն ու տարածքային ամբողջականությունը չպետք է պայմանավորված լինի Հայաստանի դիրքորոշմամբ»։
Բայրամովը շարունակել է ադրբեջանական կեղծ թեզերը, թե Լաչինի միջանցքում ապօրինի անցակետի տեղադրումը, իբր, չի հանգեցրել Արցախում ծանր հումանիտար իրավիճակի, և «իրականությունը խեղաթյուրվում է»։ Ադրբեջանի ԱԳ նախարարը նաև հայտարարել է, թե Բաքուն, իբր, պայմաններ է ստեղծել Ղարաբաղի հայ բնակիչների համար ապօրինի անցակետով անցնելու համար։ Բացի այդ, նա կրկին ասել է, թե Աղդամի ճանապարհը կարող է օգտագործվել Արցախի հայության կարիքները հոգալու համար։
Էմմա Չոբանյան
