14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Սևծովյան հացահատիկային միջանցքը պետք է շարունակի գործել, բայց առանց Ռուսաստանի․ Զելենսկի
Քաղաքականություն
17.07.2023 | 19:04
Սևծովյան հացահատիկային միջանցքը պետք է շարունակի գործել, բայց առանց Ռուսաստանի։ Ուկրաինայի նախագահի մամուլի քարտուղար Սերխի Նիկիֆիրովի փոխանցմամբ՝ այս մասին աֆրիկացի լրագրողներին տված հարցազրույցում ասել է նախագահ Վլադիմիր Զելենսկին, գրում է Korrespondent-ը։
«Անգամ առանց Ռուսաստանի Դաշնության՝ ամեն ինչ պետք է արվի, որպեսզի կարողանանք օգտվել այս սևծովյան միջանցքից: Մենք չենք վախենում, մեզ դիմեցին նավեր ունեցող ընկերությունները, նրանք ասացին, որ պատրաստ են, եթե Ուկրաինան բաց թողնի, իսկ Թուրքիան թույլ տա անցնել, այդ դեպքում բոլորը պատրաստ են շարունակել հացահատիկի մատակարարումը»,- Զելենսկիի խոսքերն է մեջբերում Նիկիֆորովը։
Նախագահը հիշեցրել է, որ եղել է երկու համաձայնագիր՝ Ուկրաինա, Թուրքիա, ՄԱԿ, իսկ մյուսը՝ Ռուսաստան, Թուրքիա, ՄԱԿ։
«Հետևաբար, երբ Ռուսաստանն ասում է, որ դադարեցնում է [համաձայնագրի գործողությունը], խափանում է իր պայմանավորվածությունները ՄԱԿ-ի գլխավոր քարտուղար Գուտերեշի և նախագահ Էրդողանի հետ, ոչ թե մեզ հետ։ Մենք նրանց հետ որևէ պայմանավորվածություն չենք ունեցել։ Ես հանձնարարել եմ մեր ԱԳ նախարարությանը՝ Ռուսաստանի Դաշնության պաշտոնական ազդանշանից հետո պատրաստել մեր պաշտոնական ազդանշանները ՄԱԿ-ին և Թուրքիային, որպեսզի նրանք ինձ՝ որպես Ուկրաինայի նախագահի պատասխանեն, որ պատրաստ են շարունակել մեր նախաձեռնությունը»,- ասել է Զելենսկին։
