02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Հնդկաստանը հաջողությամբ Լուսին է արձակել Chandrayaan-3 անօդաչու տիեզերական սարքը
Քաղաքականություն
14.07.2023 | 21:20
Հնդկաստանը հուլիսի 14-ին հաջողությամբ դեպի Լուսին է արձակել Chandrayaan-3 անօդաչու տիեզերանավով առաքելությունը: Հնդկական տիեզերական հետազոտությունների կազմակերպությունը (ISRO) հրապարակել է Սաթիշ Դավանի անվան տիեզերական կենտրոնից արձակման կադրերը, փոխանցում է DW-ի ռուսական ծառայությունը։
Chandrayaan-3-ը, որը սանսկրիտից թարգմանաբար նշանակում է «լուսնային մեքենա», նախատեսված է ուսումնասիրելու Լուսնի ավեի քիչ ուսումնասիրված հարավային կողմը: Բայց նախ անհրաժեշտ է, որ այն հաջողությամբ վայրէջք կատարի։
Նախկինում սա հաջողվել է միայն Չինաստանին, Խորհրդային Միությանը և ԱՄՆ-ին։ Ակնկալվում է, որ Chandrayaan-3-ը Լուսնի վրա վայրէջք կկատարի օգոստոսի 23-ին կամ 24-ին:
Հավելենք, որ առաջին նման փորձն անհաջող է եղել։ 2019 թվականին Chandrayaan-2 վայրէջքի մոդուլն ընկել է Երկրի արբանյակի մակերեսին։
Էմմա Չոբանյան
